Т.Мөнхсайхан эмнэлгийн удирдлагуудад хариуцлага тооцож, ажлаас чөлөөлөхийг хотын даргаас хүсчээ

Эрүүл мэндийн сайд Т.Мөнхсайхан нэгдүгээр сарын 19-нөөс 20-нд шилжих шөнө 02.00 цагт шуурхай хурал зарлаж, Нэгдүгээр амаржих газарт өчигдөр өглөө төрсөн эхийг орой нь ХӨСҮТ рүү шилжүүлэхдээ гэрийн шаахай, халаадтай нь машинд суулгасан асуудлыг хариуцлага тооцох асуудлыг хэлэлцжээ.

Шуурхай хуралд НЭМГ-ын дарга Л.Төмөрбаатар, Нэгдүгээр амаржих газрын дарга А.Дүүрэнбилэг, ХӨСҮТ-ийн ерөнхий захирал Л.Нямхүү болон албаны бусад хүмүүс онлайнаар оролцсон байна.

Дөнгөж төрсөн нялх эхийг зөөвөрлөхдөө хүнлэг бус хандсан асуудлаар мэдээлэл авсны дараа харьяаллын дагуу Нийслэлийн Засаг дарга Д.Сумъяабазараас Нэгдүгээр амаржих газрын дарга А.Дүүрэнбилэг, НЭМГ-ын дарга Л.Төмөрбаатар нарыг ажлаас чөлөөлөх хариуцлага тооцохыг хүсэж, албан тоот илгээжээ. Нийслэлийн төрөх эмнэлгүүдийг Нийслэлийн эрүүл мэндийн газар удирдлагаар хангадаг учир харьяаллын дагуу хариуцлага хүлээлгэх асуудлыг хотын дарга шийдэх юм.

Харин ХӨСҮТ-ийн ерөнхий захирал Д.Нямхүүд хуулийн дагуу цалингийн тодорхой хувиар торгох арга хэмжээ авахаар шийдвэрлэсэн байна.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • зочин (59.153.112.198)

    2021-01-20

    төмөрбаатарыг чөлөөлөх хэрэгтэй нийслэл гэж алийгаа алдсан эмнэлгүүд байхад амаа ангайгаад суугаад байдаг болхи хүн юм биш үү