ЭМЯ: Улаанбаатарт 19 тохиолдол бүртгэгдэж, нийт халдварын тоо 1611 боллоо

Сүүлийн 24 цагийн хугацаанд 15,071 хүнд коронавирусийн халдвар илрүүлэх шинжилгээ хийхэд халдвар авсан хүмүүсийн гэр бүлийн ойрын хавьтлуудаас анхан болон давтан шинжилгээгээр Улаанбаатар хотод 19 тохиолдол нэмж бүртгэгдлээ.

Монос эмийн сантай холбоотой тав, Хас банканд батлагдсан тохиолдолтой холбоотой нэг хүнд халдвар илэрсэн бөгөөд бусад нь Чингэлтэй, Сонгинохайрхан, Баянзүрх дүүрэг болон Баянгол дүүргийн 12-р хорооны 19-р байрнаас гарсан өвчлөлтэй холбоотой ойрын хавьтлууд юм. .

Ингэснээр Улаанбаатар хотод батлагдсан тохиолдол нийт 782 болсон. Сүүлийн 24 цагт 28 хүн эдгэрч гарсан.

ХӨСҮТ-ийн Тандалт, судалгааны албаны дарга А.Амбасэлмаа "Одоогоор Улаанбаатар хотод халдварын 4 том голомт байгаа тул ард хаанаас ч халдвар авах өндөр магадлалтай. Тиймээс амны хаалтаа тогтмол зүүж, халдвар хамгааллын дэглэмээ сахих хэрэгтэй" гэлээ.

  • Манай сайт таалагдсан бол лайк дараарай