МҮОХ: Н.Түвшинбаярын нэрийг зориуд оруулж ор үндэслэлгүй мэдээлэл тарааж байгаад харамсаж байна

Твиттер, фэйсбүүк зэрэг олон нийтийн сүлжээгээр "Засгийн газар эдийн засгийг дэмжиж, хямралыг гэтлэх 10 их наядын хөтөлбөрийн хүрээнд залуусыг фитнесст хамруулахад 500 тэрбум төгрөг зарцуулна. Энэхүү арга хэмжээг хэрэгжүүлэхэд МҮОХ-ны Ерөнхийлөгч, Монгол Улсын Хөдөлмөрийн баатар, олимпийн аварга Н.Түвшинбаяр Монгол Улсын Ерөнхий сайдын зөвлөхийн хувьд голлох үүрэгтэй оролцоно" гэсэн утга бүхий ташаа мэдээлэл гарах боллоо.

МҮОХ нь хүн төрөлхтөний эв нэгдлийн их наадам болох олимпизмийн үзэл санааг түгээн дэлгэрүүлж, тив, дэлхийн аварга шалгаруулах тэмцээнд тамирчдаа оролцуулж, эх орныхоо нэрийг гаргах эрхэм зорилгоо амжилттай хэрэгжүүлсээр ирсэн бахархам түүхтэй байгууллага. 

 

Засгийн газрын холбогдох албаныхны зүгээс няцаасанчлан залуусыг ажлын байраар хангахад зарцуулахаар бэлтгэж буй дээрх хөрөнгийг фитнесст зарцуулах гэж байгаа мэтээр мушгин гуйвуулж, МҮОХ-ны Ерөнхийлөгч Н.Түвшинбаярын нэрийг зориуд оруулж ор үндэслэлгүй мэдээлэл тарааж байгаад харамсаж байна.

Монголын Үндэсний Олимпийн Хорооны Ерөнхийлөгч Н.Түвшинбаяр, Ерөнхий нарийн бичгийн дарга Э.Бадар-Ууган нарын хувьд, “Идэвхтэй хөдөлгөөн-Спортын шилжилт”-ийн төлөвлөгөөгөө Монгол Улсын Ерөнхий сайд Л.Оюун-Эрдэнэд саяхан танилцуулсан. 

 

Дээрх төлөвлөгөөг:

- Идэвхтэй, эрүүл үндэстэн

- Ялагч үндэстэн

- Спортын эко систем бүрдүүлэх

- Спорт-Хөдөлгөгч хүч

-Универсал төслүүд гэсэн чиглэлээр боловсруулж, 2024 он хүртэл үе шаттай хэрэгжүүлэхээр төлөвлөсөн талаар хэвлэлүүд мэдээлсэн билээ. МҮОХ нь улстөржилтөөс ангид байгууллага бөгөөд тус хорооны удирдлагууд, үйл ажиллагаатай холбоотой элдэв ташаа мэдээлэлд автахгүй байхыг ард иргэдээсээ хүсье.

 

Монголын Үндэсний Олимпийн Хороо - MNOC

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • Зочин (203.91.115.37)

    2021-03-02

    МҮОХ уг улс төртөй хутгалдалгүй өдий хүрсэн юм одоо л болохоо байж эхэллээдээ Түвшинбаяр үндсэн ажлаа хийхгүй энэ тэр юмруу орооцолдоод хэрэггүйдээ Юун зөвлөх олимп хаянд ирчээд байхад нэр төр хөөцөлдөөд явж байгаа нь болж байгаа юмуу Женкогийхоо үгээр их яввал жонхуурна гэдгээ мэддэг болуу