ХӨСҮТ: Өчигдөр 21626 хүнд PCR шинжилгээ хийхэд 67 хүнээс халдвар илэрлээ
- 2021-03-07
- Нийгэм
- 0
Коронавируст халдварын тархалтын нөхцөл байдлын талаар ЭМЯ, ХӨСҮТ-өөс мэдээлэл хийлээ. Гуравдугаар сарын 6-ны өдөр 21626 сорьц шинжилснээс 67 хүний шинжилгээнд халдвар илэрчээ. Үүнд өмнөх халдваруудын тандалт ойрын хавьтлаас илэрсэн 62 тохиолдол байгаа бол 5 халдварын эх үүсвэрийг судалж байна. Мөн 63 тохиолдол нь Улаанбаатар хотоос илэрсэн бол Төв аймгийн Зуунмод сумын 4 иргэний шинжилгээ эерэг гарлаа.
Шинэ тохиолдлуудын 51 хүнд нэг дэх удаагийн шинжилгээгээр, 11 хүнд хоёр дахь удаагийн шинжилгээгээр халдвар илэрчээ. Шинэ тохиолдлуудыг байршилаар авч үзвэл
- Баянзүрх дүүрэг- 20
- Баянгол дүүрэг- 13
- Сүхбаатар дүүрэг- 5
- Сонгинохайрхан дүүрэг- 4
- Чингэлтэй дүүрэг- 4
- Хан-Уул дүүрэг- 17
- Төв аймаг Зуунмод сум- 4 тохиолдол илэрчээ.
Шинээр батлагдсан тохиолдлуудын дунд Архангай аймгийн Чулуут суманд зорчсон нэг иргэн байгаа тул ойрын хавьтлын 26 хүнийг тусгаарлажээ.