Э.Тэмүүлэн: Нийгмийн харилцаагаа багасгаж, халдвар хамгааллын дэглэмээ чанд баримтлаарай

2021 оны гуравдугаар сарын 29-ний 11:00 цагт ХӨСҮТ-ийн дэд захирал Э.Тэмүүлэн коронавируст халдвар (Covid-19)-ын нөхцөл байдлын талаар дараах мэдээллийг өглөө. 

Сүүлийн хоногт 15 лабораторид 13,210 хүнд хийсэн коронавирусний халдвар илрүүлэх шинжилгээний явцад 575 хүнээс халдвар илэрсэн. Ингэснээр нийт халдварын тоо 7,589 болж байна. Гадаадаас зөөвөрлөгдсөн нэг тохиолдол бүртгэгдлээ. Франкфуртын онгоцоор ирсэн нэг иргэний давтан шинжилгээгээр халдвар илэрсэн. Дотоодод халдвар авсан 574 тохиолдлын 400 нь Улаанбаатарт бүртгэгдсэн бол орон нутагт нийт 174 тохиолдол батлагдлаа.

Сүүлийн хоногт 185 хүн эмчлэгдэн эмнэлгээс гарснаар нийт эдгэрсэн хүний тоо 4,711 боллоо. Өнөөдрийн байдлаар нийт 1,693 хүн эмчлүүлж байгаагаас биеийн байдал нь хөнгөн 1,416, хүндэвтэр 219, хүнд 29 нэн хүнд 9 хүн байна. Нийслэл хотоос гадна Төв аймагт халдварын нөхцөл байдал хүнд байна. Сүүлийн хоногт гэхэд 86 тохиолдол бүртгэгдсэн. Та бүхэн нийгмийн харилцаагаа багасгаж, халдвар хамгааллын дэглэмээ чанд баримтлаарай.

Аймгуудад илэрсэн тохиолдлыг дурдвал:

Төв аймагт-86 нэмэгдэж 147

Баянхонгор аймагт-1 нэмэгдэж нийт 11

Архангай аймагт- 4 нэмэгдэж нийт 41

Өвөрхангай аймагт-20 нэмэгдэж нийт 65

Орхон аймагт- 15 нэмэгдэж нийт 86

Сэлэнгэ аймагт-2 нэмэгдэж нийт 219

Дархан-Уул аймагт-15 нэмэгдэж нийт 100

Булган аймагт-19 нэмэгдэж нийт 20

Завхан аймагт-2 нэмэгдэж нийт 9

Хэнтий аймагт-4 нэмэгдэж нийт 10

Хөвсгөл аймагт-6 нэмэгдэж нийт 29 тохиолдол боллоо.

ХӨСҮТ

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)