Өвөрхангай аймагт хүчтэй аадар болон мөндөр орсны улмаас зарим газар үер буугаад байна.

Тодруулбал, Өвөрхангай АЗЗА ТӨХК-ийн хариуцдаг А0302 авто замын пк 2-45 км дамнан 2023 оны зургаадугаар сарын 18-ны 14.00 цагийн үед хүчтэй аадар бороо, мөндөр оржээ.

Тус замын зорчих хэсгийн зарим газруудад үер бууж, ус давжээ. Одоогоор замын үзлэг хийж байгаа бөгөөд нэмж үер буухаар байгаа тул анхаарал болгоомжтой зорчихыг зөвлөж байна. 

Өвөрхангай аймагт амьдардаг манай уншигч өнөөдрийн орсон мөндөр том хэмжээтэй байсан гээд ундааны тагтай харьцуулсан зургийг бидэнд илгээсэн юм.