Нийслэлийн аль хэсэгт автомашингүй, зам чөлөөтэй байх вэ

Нийтээр биеийн тамир, спортыг дэмжих үүднээс өнөөдөр “Автомашингүй өдөр” болгон “Улаанбаатар–Марафон” олон улсын гүйлтийн тэмцээнийг зохион байгуулах гэж байна. Тавдугаар сарын 20-ны өдөр болох “Автомашингүй өдөр”, “Улаанбаатар марафон” олон улсын гүйлтийн тэмцээний үеэр 08:00-17:00 цагийн хооронд Баруун 4 замын уулзвараас Зүүн 4 зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны авто замын хөдөлгөөнийг хязгаарлах тул дээрх гудамжуудыг автомашингүй бүс болгож, замын хөдөлгөөнийг хаана.

Энэ өдөр эдгээр гудамж, замаар зорчдог нийтийн тээврийн 34 чиглэлийн 331 тээврийн хэрэгслийн чиглэлд өөрчлөлт орно.

Нийтийн тээвэр хотын төв болон урдуураа Нарны зам, Намъяанжугийн гудамжаар явах бөгөөд хойноос урагш болон урдаас хойш явдаг босоо чиглэлийн тээврүүд Баруун 4 зам, Нарны гүүр, Зүүн 4 замаар үйлчилнэ.

Энхтайваны өргөн чөлөөний авто замын тодорхой хэсгийн хөдөлгөөн хаагдах тул тухайн өдөр троллейбус үйлчилдэг Т:2 "5 шар - Ботаник", Т:4 " Ботаник-Вокзал", Т:5 "3,4 хороолол-Офицеруудын ордон" чиглэлийн нийтийн тээврийн хэрэгслүүд үйлчилгээ үзүүлэхгүй болохыг иргэдэд анхааруулж байна.

www.unen.mn

  • Манай сайт таалагдсан бол лайк дараарай

Сонин хачин