Хүүхдээ хичээл хийх дур сонирхолтой болгох арга

Шахуу цагийн хуваарь, олон цагаар хичээллэх нь хүүхдийн хичээлд дуртай болгохоос илүүтэй залхаадаг. Тэгвэл түүхийн он тоолол цээжлэх, тооны томъёоллыг бодох зэрэг хичээл хийхэд тулгардаг бэрхшээлүүдийг хялбар аргаар шийдэх аргыг зөвлөе. Тун удахгүй тэдэнд сурах хэцүү бус, харин ч сонирхолтой санагдах болно.  

 

1. Өглөө эрт босох нь сурагчид төдийгүй цэцэрлэгийн албаныхны хувьд ч хамгийн том бэрхшээл. Нойрондоо харам бяцхануудад өглөөний цайны сонирхолтой цэс санал болговол тэд энэ асуудал хялбар шийдэгдэнэ. 

2. Унтахынх нь өмнө нэг аяга бүлээн ус уулгавал бөх нойрсоно. 

3. Дулаан хөнжил нөмрүүлээрэй. Орчны хэм 16-21 байхад хүн тайван унтаж амардаг. 

4. Гэрлээ унтраа. Харанхуйд мелатонин сайн ялгарч бөх унтахад тус болдог. 

5. Арай том хүүхэдтэй бол сэрүүлгийг нь өрөөний нөгөө буланд тавьчих. Сэрүүлгээ унтраахаар заавал босох бол. 

6. Хүүхдийн анхаарал сайн төвлөрөх хугацаа 25 минутаас ихгүй байдаг. Тиймээс 25 минут бүрт 5 минутын амралт олгож бай. Харин гурав дахь удаагийн завсарлагаа 20 минутаас багагүй байхаар зохицуулаарай. 

7. Уншихдаа тод бөгөөд чанга унших нь чухал. Хурдан унших нь ашиг тус тун багатай. 

8. Орчны дуу чимээ хүүхдийн анхаарлыг сарниулж байдаг тул зурагт, радио, хөгжмөө түр унтраа. Түүний оронд  Hans Zimmer — Pandora эл аялгууг сонсгоорой. Анхаарал нь илүү төвлөрөх болно. 

9. Шинэ хичээлийн хуваарийг тогтооход тийм ч хялбар биш. Тиймээс хичээлийн хуваарийнх нь зургийг аваад утасных нь дэлгэцэнд тавьчих. 

10. Хичээл хийж эхлэхээс өмнө 10-20 минут алхахыг эрдэмтэд санал болгодог. Ингэснээр цусны эргэлт сайжирч тархи сайн ажилладаг. 

11. Хэрэв хугацаа давчуу байгаа бол эхийн эхлэл болон төгсгөлийн догол мөрийг унших нь зүйтэй. 

12. Эрдэмтдийн судалгаанаас харахад гаа анхаарал төвлөрүүлэх ид шидтэй. Бохь юм уу гааг эл зорилгоор хэрэглээрэй. 

13. Түүх болох биологийн хичээлийг уншихаас илүүтэй баримтат кино үзвэл ойлгоход хялбар байдаг тал бий. 

14. Хичээл өглөө эрт ордог нь учиртай. Өглөө 06.00-08.30 цагт хүний тархи 100 хувь бүтээмжтэй ажилладаг бол 08.30-10.00 цагт энэ хувь 50 болон буурч шөнийн цагаар 20 хувь болдог. 

15. Түүхэн огноог хялбар цээжлэхийн тулд таймлайн буюу цагалбар зурвал илүү үр дүнтэй. Шулуун шугаманд түүхэн чухал оныг тэмдэглэж, дор нь тухайн онд болсон үйл явдлыг товчхон бичнэ. 

16. "Google"-ийн хайлтын систем сурагчдад төдийлэн тохиромжтой бус. Түүний оронд https://scholar.google.com/-ыг ашиглаарай. Сурагчдад ойлгомжтой, хайлт нь ч оновчтой байх болно.  

Б.Саруул

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (1)

  • (202.70.37.2)

    2018-03-12

    brlalaa