БНХАУ-ын дарга Ши Жиньпиний тусгай төлөөлөгч Лю Яндон энэ сарын 25-нд болох өвлийн олимпын XXIII наадмын хаалтын ёслолд оролцоно гэж Хятад улсын ГХЯ-ны хэвлэлийн төлөөлөгч Гөн Шуан мэдэгдсэнийг “Синьхуа” агентлаг уламжлав. Хятад улсын Шадар сайд Лю нь өвлийн олимпыг зохион байгуулж буй БНСУ-ын Ерөнхийлөгч Мүн Жэ Ин, Олон улсын олимпын хорооны ерөнхийлөгч Томас Бах нарын урилгаар олимпын хаалтын ёслолд оролцох гэж байгаа аж. Энэ сарын 9-нд БНСУ-ын Пёнчан хотноо эхэлсэн өвлийн олимпын XXIII наадамд 92 улс орны 2920 гаруй тамирчин 102 багц медалийн төлөө өрсөлдөж байгаа юм.