Далай, тэнгисийн усанд жил бүр 5-13 сая тонн хуванцар хог хаяж байна

Далай, тэнгисийн хог хаягдлыг цэвэрлэх томоохон хэмжээний төслийг ирэх зургаадугаар сард албан ёсоор эхлүүлнэ. “Далайг цэвэрлэе” хөдөлгөөнийхөн Сан-Францискогийн тэнгисийн цэргийн “Аламида” хүчний мэдэлд байсан нисэх буудлыг түшиглэн төслөө хэрэгжүүлэх юм байна. “Хүн төрөлхтөн байгаль дэлхийгээ бохирдуулсаар байна. Үүнд, агаарын бохирдол, далай, тэнгисийн хог хаягдал бусад зүйлс орж байгаа. Далайн усан дахь хог хаягдлыг нэг өдөр цэвэрлэх боломжгүй учраас төслийг үр дүнд хүртэл нь үргэлжлүүлнэ. Урт хоолойн тусламжтайгаар усан дахь хог хаягдлыг түүж авах зориулалтын төхөөрөмж ашиглана. Гэхдээ далайн гүн дэх хог хаягдлыг энэ төхөөрөмжөөр авах боломжгүй” хэмээн төслийг санаачлагчид ярьжээ.

НҮБ-ын гишүүн орнууд далай, тэнгисийг хамгаалах уулзалтыг Нью-Йорк хотод 2017 онд зохион байгуулсан билээ. БНХАУ, Тайланд, Индонез, Филиппин улсын төлөөлөгчид хуванцар хог хаягдлыг далай тэнгисийн уснаас гаргаж, цэвэрлэх ажлыг эхлүүлэхээ мэдэгдсэн. Далай, тэнгисийн бохирдлыг цэвэрлэх олон улсын хөдөлгөөн өрнүүлсэн тухай НҮБ-ын Байгаль орчны асуудал эрхэлсэн захирал Эрик Солем “Далай, тэнгисийн усанд жил бүр 5-13 сая тонн хуванцар хог хаяж байна.

Хуванцар хог хаягдалд усны шувууд болон загас хордож байна. Мөн хуванцар хог хаягдлын үлдэгдэл далайн ёроолоос ихээр илэрдэг нь хэрэглэгчийн эдийн засгийг түлхүү хөгжүүлсэн улс орнуудын хуванцар хог хаягдал ялгаруулалт их юм байна” хэмээжээ.

Б.Саруул

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (1)

  • (66.181.176.144)

    2018-03-03

    сүүлчийн өгүүлбэрээ дахин хараач ойлгомжгүй зүйл бичих юм