Хөвсгөл аймгийн Эрдэнэбулган сумаас зүүн хойш 60 км-т Зэрлэг гуравдугаар баг “Горхины эх Ухаантын ам” гэдэг газар ойн түймэр гарч, Онцгой байдлын газрын албан хаагчид гал унтараахаар ажиллаж байгаа. Гал гарсан дуудлага ОБГ-т дөрөвдүгээр сарын 15-ны 20:13 цагт ирсэн юм байна.

Дуудлагын дагуу түймрийн голомтод Онцгой байдлын байгууллагаас 64 алба хаагч, таван автомашин, орон нутгаас 116 иргэн, есөн автомашин, нийт 180 хүн, 14 автомашин, бусад техник хэрэгсэлтэйгээр ажиллаж байгаа юм. Тэгвэл түймрийг өчигдөр 15:41 цагт цурманд оруулж, бүрэн хяналтад авсан гэж мэдээлж байна.