32 мянга гаруй оюутанд 75 тэрбум төгрөгийн зээл олгоно

Засгийн газрын зүгээс оюутнуудад хүүгүй, барьцаа хөрөнгө шаардахгүй зэрэг олон давуу талтай “Оюутны хөгжлийн зээл”-ийг өнгөрсөн тавдугаар сард олгох шийдвэрийг гаргасан. Тэгвэл тус зээлийг Монгол Улсад магадлан итгэмжлэгдсэн 62 их, дээд сургуулийн 32 мянга гаруй оюутанд олгохоор нийт 75 тэрбум төгрөг төсөвлөжээ.

Боловсролын зээлийн сан нь наймдугаар сарын 15-наас аравдугаар сарын 1 хүртэл хугацаанд “Оюутны хөгжлийн зээл”-ийг олгох юм байна. “Боловсролын зээлийн сан”-гийн зээлийн албаны дарга Э.Батсэлэм: “Голч дүн нь 2,8 дээш, ирээдүйн зорилгоо зөв тодорхойлсон эссэ гэх мэт зээлийн шаардлагыг бүрэн хангасан оюутан болгон хүсэлт гаргах боломжтой. Сургуулиудын оюутны тоо, чадамж, тус сургуулийг төгсөөд ажлын байраар хангаж байгаа байдал зэргийг уялдуулаад квотыг тогтоосон. Одоогоор төрийн өмчийн их дээд сургуулиудад оюутны төлөөлөл оролцсон таваас дээш хүний бүрэлдэхүүнтэй комисс бүрдэн ажиллаж байна. Сургуулийн шаардлагыг хангасан оюутнуудын материалыг хянан үзээд зээл олгоно” хэмээн онцлов.

Б.Номуун

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)