Ерөнхийлөгч эв нэгдлийг илэрхийлэгч атал тэмцэлд уриалахын учир юун...

Багш нар цалингаа нэмэгдүүлэхийг шаардан Сүхбаатарын талбайд өнгөрсөн даваа гарагт суулт хийсэн. Энэ үеэр Ерөнхийлөгч Х.Баттулга тэдэнтэй уулзсан байна. Тэрбээр энэ үеэр “Багш нарын төлөөлөлтэй маргааш /энэ сарын 11-нд/ 13.00 цагт уулзъя” гэсэн боловч тэднийг хуурчээ. Учир нь, тэрбээр ОХУ-ын Владивосток хотноо энэ сарын 11-13-ны өдрүүдэд болох Дорнын эдийн засгийн чуулга уулзалтад оролцохоор өчигдөр буюу энэ сарын 11-нд онгоцоор ниссэн байна. Эрхэм Ерөнхийлөгч энэ өдөр ОХУ-ыг зорихоо мэдэж байсан байж таарна.

Гэтэл ийнхүү багш нарыг хуурсан нь хачирхалтай. Монгол Улсын Ерөнхийлөгч бүх ард түмний эв нэгдлийг эрхэмлэгч байх ёстой. Гэтэл Ерөнхийлөгч маань багш нарын ажил хаялт, жагсаал цуглааныг нь дэмжиж буйгаа илэрхийлээд “Сангийн сайдаар Ч.Хүрэлбаатарыг томилсноос цалин нэмж болохгүй байгаа” хэмээн тайлбарлажээ. Тэрбээр багш нарыг доод тал нь сая төгрөгийн цалин авах ёстой гээд “Сангийн сайд нь хэн бэ, Ч.Хүрэлбаатар. Төсөв байхгүй ээ гээд л цалин нэмэхгүй байна” гэжээ. Өмнө нь Ерөнхийлөгч Х.Баттулга Ч.Хүрэлбаатарыг Сангийн сайдаар томилсон тогтоолд хориг тавьж байсан удаатай ч УИХ-аас дэмжлэг аваагүй юм. Уг нь төрийн тэргүүний хувьд Ерөнхийлөгч улс орны эдийн засгийн нөхцөл байдлыг хэн хүнээс илүү мэдэх ёстой. Засгийн газраас цалинг нэмсэн. “Багш нарын ажлын ачаалал, ур чадвар, ажилласан жил зэрэг шалгуураар нь цалинг 8-30 хувиар нэмнэ. Цаашид ч шатлалтайгаар нэмнэ” хэмээн Засгийн газраас мэдэгдсэн. Сангийн сайд “Цалинг 8-30 хувиас илүү хэмжээгээр нэмбэл эдийн засагт үзүүлэх сөрөг нөлөө их. Өөрөөр хэлбэл, Монгол Улс өр тавьж байж цалинг 50 хувиар нэмнэ гэсэн үг. Өр ямар их хэмжээний дарамт учруулдгийг бүгд мэднэ. Тэгэхээр дахин цалин нэмнэ гэдэг нь өрийн хэмжээ их буй энэ үед хүнд байна” хэмээн тайлбарласаар атал багш нарыг жагсаал, цуглаанд уриалж, Засгийн газрын гишүүнийг олны өмнө муулчлан байгаа нь төрийн тэргүүний хэлэх, хийх үйлдэл биш байлтай.

М.Энх

  • Манай сайт таалагдсан бол лайк дараарай

Сонин хачин

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (3)

  • Зочин (202.21.124.18)

    2018-09-12

    Үүнийг популизм гэнэ. Улс орнууд популист үйлдлийг хөгжлийн дайсан гэж үзэж хуулийн хатуу зохицуулалтаар хааж байна. Манайх таг.

  • Зочин (202.21.124.18)

    2018-09-12

    Үүнийг популизм гэнэ. Улс орнууд популист үйлдлийг хөгжлийн дайсан гэж үзэж хуулийн хатуу зохицуулалтаар хааж байна. Манайх таг.

  • ИРГЭН (202.21.124.18)

    2018-09-12

    Энэ бол Ерөнхийлөгч хүний хувьд үнэхээр зохисгүй. Цалин нэмэх асуудлаар маш нарийн судалгаа, мэдээлэл авч байж шаардлагатай гэвэл байр сууриа Засгийн газар, УИХ-д илэрхийлэх л ёстой л доо. Гэвч манай хүн сонгуулийн, намын сэтгэлгээнээсээ салж чадахгүй гүйж очоод болчимгүй юм яриад байх. Ямаршуу эдийн засаг, өр, мөнгөн сан өгсөнөө бодох, бас улс гэрээ дахиад татаад унагачихгүй нийгмийн асуудлыг ээлж дараатай шийдэх ухаан Төрийн тэргүүнд баймаар даа.