Улсын хэмжээнд 8.1 мянган тонн үр тариа хураагаад байна

Энэ жилийн хавар улсын хэмжээнд 497.2 мянган га-д тариалалт хийсний 360 мянга гаруй га-г үр тарианы талбай эзэлж байгаа юм. Ургацын урьдчилсан балансаар 450.3 мянган тонн үр тариа хурааж авах төлөвтэй байгаа бөгөөд есдүгээр сарын 5-ны өдрөөс ангилан хадалт эхэлсэн байна. Энэ сарын 10-ны байдлаар 3400 гаруй га-д ангилан хадалт хийж, 6000 га- гаас нийт 8.1 мянган тонн үр тариа хураагаад байгаа талаар ХХААХҮЯ-наас мэдээллээ. Хөдөө аж ахуйн салбарт ургац хураалт, хадлан бэлтгэх ажил ид өрнөж байгаа энэ өдрүүдэд цаг агаар таатай биш байх төлөвтэйг Ус, цаг уур, орчны шинжилгээний газраас анхааруулж мэдээлсээр байна. Энэ сарын 11-15-нд баруун, зүүн болон төвийн аймгуудын ихэнх нутаг, Хөвсгөл, Хангай, Хэнтийн уулархаг бүсэд хур тунадас, нойтон цас орох төлөв ажиглагджээ. Дээрх хугацаанд хөрсөн дээр 1-3 хэм хүрч цочир хүйтрэхийг Ургацын төв штабаас анхаарууллаа.

М.Энх

  • Манай сайт таалагдсан бол лайк дараарай

Сонин хачин

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)