Ачаалал ихтэй 4 уулзварт “Yellow box" тэмдэглэгээ хийнэ

Хотын түгжрэлийг бууруулах үүднээс ирэх 11-р сарын нэгнээс эхлэн түгээлтийн машинуудыг тодорхой цагаар хөдөлгөөнд оруулах, томоохон захуудад ачаа тээврийн машинуудын хөдөлгөөнийг өдрийн цагаар хязгаарлах, томоохон уулзваруудад нэвтрэлтийг зохицуулсан шар дөрвөлжин тэмдэглэгээ тавих, зарим замыг нэг чигийн хөдөлгөөнтэй болгох зохицуулалт хийгдэх гэж байна.

Эхний ээлжинд нийслэл хотын хамгийн их ачаалалтай хэсэг болох “Цэцэг” төв, Төв музей, УБИС, Цаг уурын газрын гэсэн 4 уулзварт гол замтай нийлсэн гарц бүхий хэсгүүдэд “Yellow box” буюу шар дөрвөлжин тэмдэглээг хийх юм. Ингэснээр хотын төвийн түгжрэл 70 хувиар буурах тооцоо гарчээ. Энэ ажилд зарцуулах 200 сая төгрөгийн санхүүжилтийг хотын төсвөөс шийдэж 11-р сарын 1-нээс өмнө хэрэгжүүлэхээр болоод байна.

Мөн түгээлтийн машинуудыг цагийн хязгаарлалттайгаар хөдөлгөөнд оролцуулах юм. 11-р сарын 1-нээс автомашинуудыг ангиллаар, замын бүсчилсэн байдлаар зорчуулахаас гадна түгээлтийн машинуудад JPS суулгаж хөдөлгөөнийг хянах юм байна. Өнөөдөр нийслэлд явж буй түгээлтийн 20 гаруй мянган автомашиныг ийнхүү цагаар хязгаарлах зохицуулалт хийснээр хотын түгжрэл 30 хувиар буурна гэсэн урьдчилсан тооцоо судалгаа гарчээ.

Аймаг, орон нутгаас томоохон бөөний худалдааны төв, захуудад ирж бараа тэвээрлэж буй том оврын ачааны машинуудыг ч мөн өглөөний 07.00-оос шөнийн 24.00 цагт хөдөлгөнд оролцуулахгүй хязгаарлахаар боллоо.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (2)

  • (122.201.25.46)

    2018-09-20

    Ноднин жилийнх шиг юм болов оо,маш их хөрөнгө зарцуулчихаад удахгүй ард иргэдийн эсэргүүцэлтэй тулгараад хэрэгжүүлж чадахгүй юм болох магадлалтай тул судалж мэд

  • huts (203.91.115.52)

    2018-09-19

    kharaal idsen avtobusnuudaa, soliochee durakuudaa, utaj allaa shd!