Эрүүл мэндийн яамныхан ЭХЭМҮТ-д ажиллаж байна

Эх, хүүхдийн эрүүл мэндийн үндэсний төв /ЭХЭМҮТ/-ийн гадаа энэ сарын 3-нд 23.00 цагийн орчимд  26 настай эх гадаа төрсөн талаар мэдээлсэн билээ. Олны шүүмжлэл дагуулсан уг мэдээллийн талаар Эрүүл мэндийн сайд Д.Сарангэрэл өөрийн цахим хуудсаар дамжуулан уучлалт гуйж, холбогдох хүмүүст хариуцлага тооцно гэж мэдэгдсэн.

Энэ талаар сайд Д.Сарангэрэлээс тодруулахад “Одоогоор тухайн өдөр яг юу болсныг тодруулахаар Эрүүл мэндийн яам болон ЭХЭМҮТ-ээс бүрдсэн ажлын хэсэг тус эмнэлэг дээр ажиллаж байна. Надад ирсэн мэдээллээр тухай эх хүүхдийн тасагт орж ирээд, төрөх тасгийн байршил асуугаад, түүнд нь хариулж, төрөх тасаг зааж өгөөд гаргасан гэсэн мэдээлэл ирсэн. Гэхдээ ажлын хэсэг шуурхай ажиллаж, энэ асуудлыг эцэслэх, тодорхой болгохоор ажиллаж байна. Ажлын хэсгийн дүгнэлтийн дараа тодорхой мэдээлэл өгнө” гэсэн тайлбарыг өглөө. Ажлын хэсгийнхэн ямар дүгнэлт гаргахаас шалтгаалан хариуцлагын асуудал яригдах юм байна.

Г.Харцага

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)