УИХ-ын чуулганы өнөөдрийн хуралдаан 10.40 цагт 50.7 хувийн ирцтэй эхэллээ. Хуралдаанаар нийт 19 асуудал хэлэлцэхээр товлосныг УИХ-ын дарга танилцууллаа.

Хэлэлцэх асуудлын жагсаалттай холбогдуулан асуулт асуух, үг хэлэх гишүүн байсангүй. Ийнхүү чуулганаар Үндсэн хуулийн цэцийн 2018 оны 15 дугаар дүгнэлтийг хэлэлцэж байна. Үндсэн хуулийн цэц Захиргааны хэрэг шүүхэд хянан шийдвэрлэх тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн. Уг дүгнэлтэд Захиргааны Ерөнхий хуулийн 3, 37 дугаар зүйлийн зарим заалт Үндсэн хуулийн “Монгол Улсын хууль, олон улсын гэрээнд заасан эрх, эрх чөлөө нь зөрчигдсөн гэж үзвэл уул эрхээ хамгаалуулахаар шүүхэд гомдол гаргах, шударга шүүхээр шүүлгэх эрхтэй”, “Төрөөс хүний эрх, эрх чөлөөг хангахуйц хууль зүйн баталгааг бүрдүүлэх, хөндөгдсөн эрхийг сэргээн эдлүүлэх үүргийг иргэнийхээ өмнө хариуцна” гэсэн заалтыг зөрчсөн хэмээн уг дүгнэлтэд дурьджээ.