Бидний өдөр тутмын салшгүй хэрэглээ бол кофе. Тэгвэл өдөр бүр, цаг тутамд кофе уух нь эрүүл мэндэд сөрөг нөлөө үзүүлдэг. Тиймээс кофеноос татгалзах таван шалтгааныг хүргэе. 
 

 1. Албан тасалгаанд, бичиг цаасны ажил хийдэг хүмүүс кофег тархиа амраах зорилготойгоор байнга уудаг гэнэ. Мөн дуусгаагүй ажлаа шөнө гэртээ цэгцлэхдээ кофег хэд хэдэн аягаар нь уучихдаг. Нойроо хүргэхгүй ажил хурдан дуусгахын тулд өөрийнхөө эрүүл мэндийг хорлодог байна.

2. Кофе нь ургийн хөгжилд маш муугаар нөлөөлдөг. Тиймээс жирэмсэн эмэгтэй кофе ууж болохгүй гэдгийг анхаарах хэрэгтэй. Тодруулбал,  их хэмжээний каффейн агуулагддаг учир таны стрессийн даавруудыг ихээр ялгаруулж таны хэвлийд байгаа урагт ч  сөрөг нөлөө үзүүлдэг. Жирэмсэн эмэгтэй өдөрт 2-4 аяга кофе уудаг бол үр зулбах магадлал 33 хувьтай байдаг гэнэ.

3.  Бөөрний дээд булчирхайн даавар нь хүний биеийн бэлгийн дур хүслийг удирдаж байдаг тесттостероны ялгаралтыг багасгадаг байна. Ингэснээр сексийн чадавхи болон дур хүслийг бууруулдаг байна. 

4.  Өдөрт 2-3 аяга кофе уудаг бол хоол тэжээлээс авах эрдэс бодис , кальци, цайр, төмөр болон В, РР витаминуудын шингэцийг бууруулдаг байна.  Хоол тэжээлээс олж авах эрдэс бодисуудыг муу шингээдэг гэнэ. 

5. Хэрвээ та өдөрт  хоёроос  дээш аяга кофе уудаг бол каффейн таныг донтуулж байна гэсэн үг.Кофе уугаагүй үед уур уцаар төрж, амархан бухимдан стрессдэж, ходоод гэдэсний хямралыг ч үүсгэх эрсдэлтэй байдгийг санаарай.

С.Анирлан