Зул сарын баяр

 

Өнөөдөр Зул сарын баярын өдөр буюу Христийн шашны бурхан мэндэлсэн өдөр

Зул сарын баяр бол Христийн шашинтны баяр, Есүс Христийн мэндэлсэн өдөр байх нь. Merry Christmas мэндчилгээний үг нь “Христ мэндэлсний баяр хүргэе” гэсэн үг ажээ. Өнөөдөр Зул сарын баярыг дэлхийн өнцөг булан бүрт тэмдэглэж байгаа.
 

Үнэн хэрэгтээ хэн ч Христийн мэндэлсэн өдрийг мэддэггүй ч ихэнх итгэгчид 12 сарын 25-нд төрсөн хэмээн бат итгэдэг. Энэ л өдөр хүн бүр сүмд очин, өргөл барьц барьж, бэлэг солилцон, гэр орноо гацуур модоор чимэглэдэг. Баруун Европын ард иргэд болон Христийн шашинтай дэлхийн хүн ард уламжлалт баяр ёслолоо өргөн дэлгэр тэмдэглэж байна. Христийн шашин шүтлэгтэй хэн ч байлаа гэсэн католик, протестант болон үнэн алдартны сүсэгтнүүд Бурхан мэндэлсэн гэж үздэг энэ өдрийг Григорийн цаг тооллоор тэмдэглэдэг бөгөөд мөнхийн аз жаргал, амар амгаланг билэгдсэн гацуур модны оройд “Вифлеемийн од” зүүдэг заншилтай. Учир нь энэ од тэнгэрт харагдсан үед Есүс мэндэлсэн гэж үздэг.

Есүс Христ чухам хэзээ төрсөн тухай тодорхой цаг тоолол өнөө хэр байдаггүй, энэ тухай Библийн судар болоод Евангелийн дөрвөн сургаалд ч бичиж үлдээгээгүй байдаг байна. Харин Христийн анхны шүтлэгтнүүд Бурханы мэндэлсэн өдрийг бүр анхнаасаа чухалчлаагүй бөгөөд Пасха буюу бурхан дахин мэндэлсэн өдрийг  баяр ёслолын өдөр болгож ирсэн байдаг. Энэ өдөр нь арванхоёрдугаар сарын 25-ны өдөр. Тавдугаар зууны үеэс тэмдэглэж ирсэн баярын энэ өдрийг 1582 онд Ромын пап ламтан Григорий XIII  гаргаж ирснээр Григорийн гэж нэрлэгдсэн цаг тооллоор тэмдэглэх болсон түүхтэй.

Энэхүү баярыг дэлхий дээр хоёр тэрбум орчим  хүн өргөн нижгэр тэмдэглэдэг байна. Энэ л өдөр хүн бүр сүмд очин, өргөл барьц барьж, хоорондоо бэлэг солилцон, гэр орноо гацуур модоор чимэглэдэг уламжлалтай.

Мөн 1800 оны үеэс гацуур мод чимэглэж, баярын зурагтай ил захидал илгээх болсон гэдэг. 1900-аад оны үеэс бизнесийн салбарт Христмасын бэлгийн худалдаа хүч түрж, өнөөг хүртэл эл худалдаа байсаар байна. Дэлхийн өнцөг булан бүрт үйлдвэрүүд баярын тоглоом чимэглэл, гэрэл болон бусад зүйлсийг үйлдвэрлэх болжээ.

Х.Цэрэн

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (1)

  • Zochin (103.9.88.242)

    2018-12-25

    http://StartWeeklyJob.com/?userid=138871