Ливан улсад авлигыг эсэргүүцсэн үндэсний хэмжээний жагсаал өрнөлөө

Ливан улсад өнгөрөгч Ням гарагт улсын хэмжээнд авлигыг эсэргүүцсэн, иргэд үндсэн эрхээ шаардан жагссан тухай тус улсын Үндэсний мэдээллийн агентлаг мэдээллээ.

Сайда, Триполи, Бэка болон Зөүк Мосбэд зуу зуун жагсагчид эрчим хүчний тогтмол хэрэглээний хангамж, хог хаягдлын асуудлыг шийдэх зохистой шийдэл болон өнгөрөгч онд батласан нийтийн албан тушаалтны цалингийн хэмжээг хэвээр үлдээхийг шаардаж жагсчээ.

Жагсагчдийн хэлж байгаагаар Ливан улсын тодорхой хэсгүүдэд өрнөж буй дээрхи жагсаалууд нь энэ сарын 20-нд Бейрут хотноо шаардлагыг дахин хүргүүлэх томоохон эсэргүүцлийн жагсаалын эхлэл нь гэдгийг ч дурджээ. Мөн жагсаалд оролцогчид эрүүл мэнд, боловсролын салбарт шинэчлэл хийхийг шаардахын зэрэгцээ импортоор орж ирж байгаа хөдөө, аж ахуйн гаралтай бүтээгдэхүүнд тогтоосон татварыг хүчингүй болгох, иргэдийн хэрэгцээ, тэдэнд тулгамдаж буй асуудлуудад ил тод ханддаг, шинэ, үр дүнтэй засгийн газар байгуулахыг шаардаад байна.

“Бид албаны хүмүүсээс аюулын хэмжээнд хүрээд буй олон нийтийн өрийн асуудалд нухацтай хандаж, ажил хэрэг болгох засгийг газрийг байгуулахыг хүсч байна” гэж нэгэн тэмцэгч хэлэв.

Ливан улсын эдийн засаг нь өрийн ДНБ-тэй харьцах харьцаагаар дэлхийд хамгийн дээгүүр орнуудын тоонд орж, төсвийн алдагдал болон эдийн засгийн удаашрал улам өргөжин тэлсээр байна.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)