ОХУ-ын нийслэл Москва хотноо өчигдөр "Оросын гоо бүсгүй" шалгаруулах тэмцээн амжилттай өндөрлөж, титмийн эзнээ ёслол төгөлдөр тодруулсан талаар "TASS" агентлаг мэдээллээ.

Алина Санко гэх 20 настай гоо бүсгүй бусад өрсөлдөгчдөө ялж, уг нэр хүндтэй шагналын эзэн болсон аж. Интернэт санал асуулгаар тэрбээр ялагч болох хамгийн өндөо магадлалтай таван гоо бүсгүйн нэгээр нэрлэгдэж байв. Тэрбээр Ростов мужийн жижигхэн боомт хот Азов хотыг төлөөлөн оролцжээ. Титмийн эзэн болсноор гоо бүсгүй энэ оны эцсээр АНУ-ын Лас Вегас хотноо зохион байгуулагдах Ертөнцийн гоо бүсгүй тэмцээнд эх орноо төлөөлөн оролцох юм.