Мобиком корпораци түрээсийн төлбөрөө төлөлгүй таван сар болжээ

"Монтрейд" компанийн байранд "Мобиком" корпораци түрээсийн үйл ажиллагаа явуулдаг бөгөөд өнгөрсөн 10 гаруй жилийн хугацаанд “Монтрейд, Ньюком” компанийн хооронд байгуулсан гэрээний дагуу “Ньюком” компанитай гэрээ байгуулан оффис түрээслэн үйл ажиллагаа явуулж ирсэн байна.

"Мобиком" корпораци нь Японы томоохон "KDDI" корпорацийн охин компани юм байна.

"KDDI" корпораци Япондоо томоохонд тооцогдож, олон улсад мэдээлэл, харилцаа холбооны үйлчилгээ хүргэгч оператор компани юм. Энэхүү компани 1995 онд Монголын Ньюком, Японы Сумитомо корпорацитай хамтран Мобиком корпорацийг байгуулж байв. Ингээд 2016 оны гуравдугаар сард Монголын харилцаа холбооны Мобиком корпорацийн хувьцаанаас нэмж худалдан авснаар өөрийн охин компани болгосноо өөрийн вэб хуудсандаа зарлаж байжээ. 

Гэтэл охин компани болсон "Мобиком" нь түрээс төлөөгүй гэх асуудлаар толгой компанийнхаа чихийг халууцуулж эхэллээ. Тодруулбал, "Мобиком" корпораци нь өнгөрсөн 10 жилийн хугацаанд "Монтрейд", "Ньюком Проперти" компанийн хооронд байгуулсан гэрээний дагуу хотын А бүсэд мкв нь 17.357 мянган төгрөгөөр оффис түрээслэж ирсэн байна. Ингээд энэхүү хугацаа 2018 оны арванхоёрдугаар сарын 31-нд дууссан ч өнөөдрийг хүртэл "Монтрейд" компанийн байранд үйл ажиллагаа явуулсаар байна. Гэвч харамсалтай нь энэ хугацаанд байрласан 5 сарынхаа төлбөрийг төлөхгүй байгаа аж. 

Мөн дамжуулан түрээслэгч компанийн зүгээс "Мобиком"-оос нэг нугалан мөнгө авдаг байсан байж болзошгүй нөхцөл байдал байгаа аж. Хэдийгээр "Мобиком" нь үүнийг мэддэг хэрнээ чимээгүй явсаар ирсэн, дамжуулагч түрээслэгч компани оруулалгүйгээр хямд оффис түрээслэх боломжтой байтал заавал дамжуулан түрээслэгч компани оруулж ирэн өндөр үнээр түрээслэдэг байсан нь авлигын шинжтэй байж болзошгүй гэж үзэн, АТГ-т шалгуулах хүсэлт өгсөн байна. 

Дамжуулан түрээслэгч компани нь одоогийн УИХ-д суугаа нэгэн гишүүнийх гэнэ. Тиймээс "Мобиком"-ын зүгээс эрх бүхий албан тушаалтнаар өөрсдөдөө ашигтай байдал бий болгохын тулд авлига өгдөг. Үүнийгээ өндөр түрээс нэрийн дор өгдөг байсан байж болзошгүй хэмээн хардаж байгаа аж.

Мэдээж Япондоо хамгийн томоохонд тооцогддог KDDI корпораци нь монголын жижигхэн түрээсийн үйл ажиллагаа явуулдаг компанийг ийнхүү дээрэлхэж, төлбөр мөнгөө өгөхгүй байгаа асуудалд иргэд ихээхэн шүүмжлэлтэй хандаж байна. 

"Монтрейд" компанийн зүгээс "Мобиком" корпорацийн Ерөнхий захирал Тацуяа Хамадад шаардлага хүргүүлжээ. Шаардлагыг бүрэн эхээр нь хүргэж байна.

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)