Ё.Баатарбилэг: Ерөнхий боловсролын сургуульд сэтгэл зүйч ажиллуулах шаардлагатай

“Гэр бүл, хүүхдэд ээлтэй эрх зүйн орчныг бүрдүүлье” үндэсний зөвлөгөөнд Боловсрол, соёл, шинжлэх ухаан, спортын сайд Ёндонпэрэнлэйн Баатарбилэг “Гэр бүл, хүүхдэд ээлтэй орчныг бүрдүүлэхэд боловсролын салбарын гүйцэтгэх үүрэг” сэдвээр илтгэл тавилаа.

УИХ-ын Нийгмийн бодлого, боловсрол, соёл, шинжлэх ухааны байнгын хорооноос ХНХЯ-тай хамтран УИХ-ын дарга Г.Занданшатарын ивээл дор зохион байгуулж буй тус зөвлөгөөнд хүүхдийн төлөө ажиллах үүрэг бүхий төрийн албан хаагчид, төрийн бус байгууллага, олон улсын байгууллага, эцэг, эхчүүдийн төлөөлөл оролцож байна.

БСШУС-ын сайд Ё.Баатарбилэг сүүлийн үед гэр бүл, эцэг эх, олон нийтийн санамсаргүй үйлдэл, хайхрамжгүй байдлаас шалтгаалж хүүхэд аливаа эрсдэл, хүчирхийлэлд өртөх нь нэмэгдэж байна. Хүүхдийн эрх болон тэднийг хамгаалах хууль, эрх зүйн орчин бүрдсэн хэдий ч хүүхэд хамгааллын талаарх ойлголт, мэдлэг томчуудын дунд хомс, амьдралын буруу дадал хэвшил, хүүхдийн өмнө хүлээх хариуцлага, ухамсар дутмаг байгааг онцлов.

Сайдын илтгэлд дурдсанаар Цагдаагийн Ерөнхий газрын Мэдээлэл, дүн шинжилгээ, шуурхай удирдлагын албаны мэдээллээр 2019 оны эхний 4 сарын байдлаар гэмт хэргийн улмаас 680 хүүхэд хохирчээ. Гэр бүлийн хүчирхийллийн улмаас 486 гэмт хэрэг үйлдэгдсэн байна. Сургалтын байгууллагын орчинд үйлдэгдсэн гэмт хэрэг, зөрчлийн тоо 23 байна.

Эдгээр тоо баримтаас харахад гэр бүлийн орчинд “ээлтэй орчин” бүрдүүлэх зайлшгүй шаардлага байна. Үүний тулд гэр бүлийн гэр бүлийн хүүхдүүдийнхээ орчинд цахим хэрэглээг хянах, хязгаарлах, шим тэжээлтэй хоол хүнс хэрэглэх, хүүхдэдээ зөв үлгэр дуурайл үзүүлж, дадал хэвшил олгох хүртэл эцэг эх, асран хамгаалагчид анхаарах цаг болжээ.

Боловсролын сургалтын байгууллагын удирдлага хүчирхийлэлд өртөж болзошгүй хүүхдийн судалгааг урьдчилан гаргаж, орон нутгийн хүүхэд хамгааллын хамтарсан баг, олон нийтийн хүчин чармайлтыг нэгтгэн, уялдаа холбоог ханган ажиллаж байна. 

Цаашид Хүүхэд хамгааллын үйлчилгээг сайжруулах чиглэлээр

1. Хүүхэд хамгааллын тухай хууль, Хүүхдийн эрхийн тухай хууль, Гэр бүлийн хүчирхийлэлтэй тэмцэх тухай хуулиудын хэрэгжилтийг хангах хүрээнд батлагдан гарсан дүрэм, журмуудын хэрэгжилтийг хангахад төр, төрийн бус байгууллагуудын дэмжлэгийг авч, хамтран ажиллах; 
2. Сургуулийн төсөвт хүүхэд хамгааллын үйлчилгээний зардлыг тусгах;
3. Ерөнхий боловсролын сургуульд сэтгэл зүйч ажиллуулах;
4. Сургууль, дотуур байрын үйл ажиллагаатай холбоотой шийдвэр гаргах, бодлого боловсруулахад эцэг эхийн зөвлөл, олон нийтийг татан оролцуулах, байнгын дэмжлэг, түншлэлийг бий болгох, хүүхдэд зөв үлгэр дууриал үзүүлэх, харилцах, тэднийг дэмжих, хөгжүүлэх чиглэлээр үүрэг хариуцлагыг нэмэгдүүлэх; 
5. Цэцэрлэг, ерөнхий боловсролын сургууль, дотуур байрны хүүхдийн үдийн цай хоолны зардлыг нэмэгдүүлж, чанартай хоол хүнсээр үйлчлэх;


Орчны аюулгүй байдлыг хангах чиглэлээр
1. Ачааллыг бууруулж, цэцэрлэгийн хүртээмжийг нэмэгдүүлэх, ерөнхий боловсролын сургуулийг 3 ээлжээс 2 ээлжид бүрэн шилжүүлэх; 
2. Ерөнхий боловсролын сургууль, дотуур байрны ус, ариун цэврийн байгууламжийг шинэчлэн сайжруулах цогц бодлого хэрэгжүүлэх;
3. Насжилт өндөртэй, мэргэжлийн хяналтын ерөнхий газрын “цаашид үйл ажиллагаа явуулах боломжгүй” дүгнэлттэй барилга, байгууламжийг шинэчлэн барих;
4. "Сургуулийн бүс, техникийн ерөнхий шаардлага" стандарт шаардлагын хэрэгжилтийг хангах, сургуулийн автобусны тоог нэмэгдүүлэх шаардлагатай бөгөөд эдгээр чиглэлд бодлого үйл ажиллагаагаа чиглүүлэх болно гэлээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (6)

  • Munkhjargal (112.72.12.9)

    2019-05-28

    Zov. Mergejliin setgel zuich zaaval ajillah bolson. Yadaj l ger byliin asuudal yamar bna, hyyhed hoorondoo yamar haritsaatai bh, surguulias gaduur yamar bdal hyykhded daramt ogch bna, yaj ooriigoo hamgaalah ve, yaj hariu reaktsiig zovoor ilerhiileh ve geh met olon olon zyild hen ch hyykhded tuslakhgyi bgaa. Ted yostoi l bor zyrkheeree hyn boloh gej temtsej bgaa shyy ene hatuu kapitalist niigemd. Etseg ekhchyyd hyykhdeddee baitugai oorsondoo ch tuslaj chadakhgyi yavaa.

  • T (103.229.123.248)

    2019-05-25

    Chadvarlag setgelzuich mash tsuuhun ihenh n turshlagagui shine oyutnuud bdg

  • Иргэн (202.126.89.68)

    2019-05-23

    Хүүхдүүдэд чин сэтгэлээсээ ханддаг зөвлөгч найз багш байдаг даа тийм хүн ч ховорджээ одоо бол нэг л их ярисан шүүмжилсэн улсууд бүтэж байгаа юм юу ч байхгүй

  • Багш (64.119.22.42)

    2019-05-23

    Ё.Баатарбилэг сайдад шууд хүрдэг бол сайн байхсан. Сайд болуутаа хөтөлбөр засах гээд байсан. Хувийн дээд дунд хэдэн сургуулиа хамгийн муу л гээд байсан. Улсын сургуулиудын үйлчилгээгээ хар. Таны хамгийн түрүүнд хийх ажил тань өөрөө аяндаа харагдаад л байхын. Төөрөөд байлгүй: эхний ээлжинд улсын сургуулиудынхаа чадавхийг сайжруул. 3-н ээлжийг байхгүй болго, цэцэрлэг сургуулийн анги дүүргэлтийг багасга, багш нарыг анги засварын мөнгө ав гэчихээд эцэг эхчүүдэд багш нар ямар ч мөнгө авах ёсгүй гэж 2 тийшээ харж 2 нүүр гаргадгаа боль. Улсаас хөрөнгөө гаргуулаад эхний ээлжинд бүх цэцэрлэг, сургуулиа ( улсын сургуулиуд шүү) ариутгаж халдваргүйжүүл, дээвэр туургаас гадна анги засварын мөнгөө улсаас гаргаад хэдэн багш нарыг мөнгө төгрөгний асуудалтай хутгаад байлгүй амар тайван ажлыг нь хийлгэ. Ангид 40, 50-иараа суугаад өвөл утаатай гээд ангиа агааржуулахгүй байсаар үр дагавар нь ямар байна. Сайд хүн бие даагаад шийдвэр гаргачиж чадахгүй тэрнээс асууна энэнээс асууна гээд сайд хүнд байвал зохих чадвар, чанар дутагдалтай байна. Тэгсэн хэрнээ өөр хүний ажил руу давхиж ороод байх. Хүүхдийн эрхийн зөрчлийн асуудал бол Нийгмийн хамгаалал Хөдөлмөрийн сайд н.Чинзоригийн хариуцах ажил. Боловсролын салбарт үйлдэгдэж байгаа зөрчлөө л хариуц. Нийгэм, Гэр бүлийн нөхцөлд үйлдэгдэж байгааг хариуцдаг сайд, яам, агентлаг, бүхэл бүтэн сүлжээ алба хэлтсүүд байгаа. 2021 оноос Үдийн хоол хөтөлбөр хэрэгжээд эхлэхээр олон хүүхэд хоолонд хордох, хелико багтер, шар гээд юун ЧАНАРТАЙ БОЛОВСРОЛ -той манатай болох аюул байна шүү.

  • Зочин (202.179.10.194)

    2019-05-23

    ЕБСургуулиудад сэтгэл судлаач ажиллуулах нь зүйтэй. Хүүхдийн хүмүүжил, тамхидалт хэрээс хэтэрч байна хүн байх, монгол хүний хүнлэг энэрэнгүй зан байхгүй болж байна.

  • (202.9.43.208)

    2019-05-23

    Багш бүр сэтгэл зүйч байх ёстой