Мацаг барьвал ходоод “баярлана”

 Хүний ходоод атгасан гарын чинээ хоол тэжээлийг агуулах хэмжээтэй гэдэг. Тэгэхдээ мах, махан бүтээгдэхүүнээс гадна хүнсний ногоог түлхүүхэрэглэх нь бас эрүүл, зөв хооллоход тустай. Мөн хааяахан нэг мацаг барьчихад ходоод амарч “баярлана”. Ингэж хоол хүнсэндээ анхаарч амьдралдаа хэрэгжүүлбэл олон төрлийн өвчнөөс сэргийлэх бүрэн боломжтой. Гэтэл сүүлийн үед хүмүүс буруу хооллосноос болж ходоодны шархтай болох, хоол боловсруулах эрхтний тогтолцоо нь алдагдсанаас наад зах нь арьсны элдэв өвчтэй болох нь элбэгшжээ.

Бас хагас боловсруулсан, сайн чанартай гэгддэг олон сар хадгалсан лаазалсан хүнсний бүтээгдэхүүн зэрэг буруу хүнсийг ихээр хэрэглэснээс болж жингийн илүүдэлтэй хүний тоо нэмэгдэж байна. Хүний хоосон ходоодны эзэлхүүн 500 миллитр байдаг. Гэхдээ ходоод дөрвөн литр шингэнийг ч агуулж чадна. Үүнээс болж хажуу талынхаа эд эрхтэнд нөлөө үзүүлж, сунаж сунасан байдалдаа дассанаар байнга хоол нэхдэг муу зуршилтай болдог. Дэлхий дээрх зүрх судасны өвчлөлийн 50 хувь нь буруу хооллолттой шууд холбоотой байдаг. Тиймээс зөв хооллож заншвал эрүүл мэнд болоод гоо сайханд олон талын ач холбогдолтой. Ходоод хогийн сав биш учраас аль таарсныг нь хүнсэндээ хэрэглэхээс татгалзаж, өөрт хэрэгцээтэй амин дэмээ хоол тэжээлээсээ авч хэвшицгээе.

Б.Сэлэнгэ

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)