Б.Ширэндэв академичийн хөшөөний дэргэд шинжлэх ухааны салбарынхан бүтээлээ дэлгэлээ

Монгол Улсын Ерөнхий сайд У.Хүрэлсүхийн ивээл дор зохион байгуулагдаж буй Шинжлэх ухааны ажилтны улсын анхдугаар их хурал” өнөөдөр “Шинжлэх ухаан, технологи, инноваци-2019” үзэсгэлэнгийн нээлтээр эхэлж байна.

Үзэсгэлэнгийн нээлтэд Боловсрол, соёл, шинжлэх ухаан, спортын сайд Ё.Баатарбилэг, БСШУСЯ-ны Шинжлэх ухаан, технологийн газрын дарга С.Мөнхбат, Шинжлэх ухааны академийн Ерөнхийлөгч Д.Рэгдэл, академийн харьяа хүрээлэн, их, дээд сургуулиудын удирдлагууд, эрдэмтэд оролцож, Монгол Улсын хөдөлмөрийн баатар, Академич Б.Ширэндэвийн хөшөөнд цэцэг өргөлөө.

БСШУС-ын сайд Ё.Баатарбилэг үзэсгэлэнг нээж хэлсэн үгэндээ шинжлэх ухааны салбарын эрх зүйн орчныг боловсронгуй болгож, хөрөнгө санхүүжилтийг нэмэгдүүлэх чиглэлд онцгой анхаарч байгаагаа дурдаад, инновацийн тэргүүлэх чиглэлийг Засгийн газраас тогтоож, гарааны компаниудыг дэмжинэ гэдгээ илэрхийллээ. Инновацийн бүтээгдэхүүн, мэдлэгийн шинэ төрлүүдийг бий болгож, тэдгээрийг эдийн засгийн эргэлтэд оруулах таатай нөхцөлийг бүрдүүлснээр хүрээлэн, их, дээд сургуулиудын дэргэдэх гарааны компаниудыг бойжуулж, өргөжүүлэхэд түлхэц болно гэв.

 

 

Үзэсгэлэнд төрийн болон төрийн бус өмчийн эрдэм шинжилгээний байгууллага, их, дээд сургууль, аж ахуйн нэгж, гарааны компаниас бүрдсэн 45 байгууллагын 350 орчим бүтээл, бүтээгдэхүүн дэлгэгдсэн байна.

 

 

 

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)