Налайхын шинэ замын хөдөлгөөнийг Нийслэлийн 380 жилийн ойн өдрөөр нээнэ

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр Налайхын замын нэг хэсэг Баянзүрхийн шинэ гүүр, ойролцоох замд очиж ажиллалаа. Баянзүрхийн шинэ гүүрний тухайд урт нь 289, өргөн нь 21 метр, явган хүний болон дугуйн замтай уг гүүрний бэхлэлт, хашлагын ажил хийгдсэн, ирэх долоо хоногт ажлыг нь бүрэн дуусгах тухай мэдээллийг Хотын захирагчид  Нийслэлийн зам, тээврийн асуудал хариуцсан төслүүдийн удирдагч, Нийслэлийн Засаг орлогч Б.Отгонсүх танилцууллаа.

Нийслэлийн Авто замын хөгжлийн газрын дарга Ж.Тогтохбаяр “Бид Налайхын замыг Улаанбаатар хотын 380 жилийн ойн өдөр буюу аравдугаар сарын 29-ний өдөр замынхаа хөдөлгөөнийг нээнэ гэсэн төлөвлөгөөтэйгөөр шаргуу ажиллаж байна. Хэдийгээр замын хатуу хучилтын ажил бүрэн дууссан ч зорчигчдын аюулгүй хангах үүднээс 580 орчим босоо тэмдэг, тэмдэглэгээ, таван төрлийн гарцыг  юун түрүүнд байгуулах ажил үргэлжилж байна” гэлээ.

Хотын захирагч С.Амарсайхан “Та бүхэн ажлаа хурдтай явуулж, төлөвлөсөн  хугацаандаа багтан шаргуу ажиллаж байгаад иргэдийнхээ өмнөөс талархаж байна, нийслэлийн өдрөөр замынхаа хөдөлгөөнийг албан ёсоор нээнэ. Замын гол ажлуудаа үндсэндээ дуусгажээ. Юун түрүүнд иргэдийн аюулгүй байдлыг хангаж замын хурдтай явах хэсгүүдэд,  3-4 км тутамд гарц гаргалгаануудыг сайн хийх хэрэгтэй, Нийслэлийн Авто замын газар, хэвлэл мэдээлийн байгууллагатай хамтран иргэдийг аюулгүй зорчих талын мэдээлэл сурталчигааг сайн явуулах хэрэгтэй” гэсэн үүрэг чиглэлийг өгч ажиллалаа.

Нийслэлийн ЗДТГ-ын Хэвлэл мэдээлэлтэй харилцах хэлтэс

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (1)

  • UB iin irgen (59.153.113.175)

    2019-10-20

    Amarsaikhan dargaa tuuz bitgii haihlaarai Chimeeguihen neechih tegvel ner hund chini usnu Chin setgeleesee husch bn Khiisen ajlaa surtalchilakh ni zuv ch neeh oluul ochij lent haichilbal ach holbogdol ni buurna ner hund chini buurna zugeer hevleleert medeeleed ch yachih guij bn