“Үндэсний давхар даатгал” ХК Азийн давхар даатгагчдын холбооны гишүүн боллоо

“Тайпинг Рииншуранс” корпораци Ази тивийн давхар даатгагчдын 19 дүгээр чуулга уулзалтыг Хонконгод зохион байгууллаа. Ази тивийн давхар даатгагчдын чуулга уулзалтын бүх гишүүдийн зөвшөөрлийн үндсэн дээр Монгол Улсын “Үндэсний давхар даатгал” ХК-ийг Ази тивийн давхар даатгагчдын чуулга уулзалтын гишүүн байгууллагаар элсүүлллээ.

Энэ удаагийн чуулга уулзалтад “Сингапур Рииншуранс” хязгаарлагдмал корпораци,  “Тай Рииншуранс” ХХК, “Азийн Рииншуранс” корпораци, “Пакистан Рииншуранс” ХК тус тус оролцож чадаагүй бөгөөд нийт 12 гишүүн ба БНСУ, БНХАУ, БНЭУ, Вьетнам, Филиппин, Малайз, Тайван, Индонези зэрэг улс орнын Азийн давхар даатгалын 12 гишүүн давхар даатгалын компанийн 20 гаруй удирдлагууд оролцжээ.

Давхар даатгагчид хамтын ажиллагааны гэрээнд гарын үсэг зурж, цаашдын үйл ажиллагааг эрчимтэй хөгжүүлэхэд анхаарч ажиллахыг онцолсон юм. Түүнчлэн чуулга уулзалтад оролцогчид “Нэг бүс, нэг зам” санаачилга, санхүүгийн технологийн хөгжил, түүний Азийн зах зээл дэх нөлөө, даатгалын салбарын технологийн шинэ санаачилгууд, салбарын хөгжил, эдийн засгийн хамтын ажиллагааны талаар хэлэлцэв.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)