Б.Батзориг нар гэм буруугаа хүлээжээ

ЖДҮХС-гаас эрх мэдэл, албан тушаалаа ашиглаж, их хэмжээний зээл авсан хэрэгт ХХААХҮ-ийн сайд асан УИХ-ын гишүүн Б.Батзориг нарын зургаан хүнийг буруутгаж буй юм.

Сайд асан Б.Батзориг, тус яамны ТНБД-ын  үүрэг гүйцэтгэгчээр ажиллаж байсан Д.Энхбат, ЖДҮХС-гийн захирал С.Төгсбилэг, эрх бүхий албан тушаалтнууд болох Ч.Хашчулуун, Э.Чагнаасүрэн, В.Одхүү, Б.Мөнхтулга нарт прокуророос яллах дүгнэлт үйлдсэн.

 

Тэгвэл хэргийн урьдчилсан хэлэлцүүлэг өчигдөр Баянзүрх дүүргийн Эрүүгийн хэргийн анхан шатны шүүхэд болж  прокурорт буцаасан байна. Тодруулбал, шүүгдэгчдийн өмгөөлөгчид  шүүхийн урьдчилсан хэлэлцүүлэг хийлгэх талаар гаргасан хүсэлтээсээ татгалзаж, яллагдагч нар гэм буруугаа сайн дураараа хүлээн зөвшөөрч, Эрүүгийн хэргийг хялбаршуулсан журмаар хянан шийдвэрлүүлэх хүсэлт гаргажээ.

 

Баянзүрх дүүргийн Эрүүгийн хэргийн анхан шатны шүүхэд 14:00 цагт товлогдсон ч цаг гаруйн дараа эхэлсэн урьдчилсан хэлэлцүүлэгт ХХААХҮ-ийн сайд асан, УИХ-ын гишүүн Б.Батзориг өмгөөлөгчийн хамт оролцсон юм. Хуралдаан хаалттай болж шийдвэрээ танилцуулсан юм.

 

С.Уянга

Эх сурвалж: “Зууны мэдээ” сонин 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)