Алба хаагчид цэргийн тангараг өргөв

 Онцгой байдлын ерөнхий газрын даргын 2019 оны А/362 дугаар тушаалаар шинээр томилогдсон офицер, ахлагч нарт цэргийн нийтлэг дүрэм, цэрэгжилт жагсаалч байдлыг олгож хэвшүүлэх, албаны ёс зүйн хэм хэмжээ, онцлогийг таниулан цэргийн хэргийн анхан шатны мэдлэг, ур чадвар, дадлага олгох “ЦХМ-19.3” сургалтыг Үндэсний аврах бригадад  зохион байгууллаа.

 Сургалтад төв, орон нутгийн Онцгой байдлын байгууллагад шинээр томилогдсон  37 алба хаагч хамрагдсан юм.

  Алба хаагчид онолын, цэргийн дүрмийн болон жагсаалын бэлтгэл, бие бялдрын цогцолбор хичээл гэсэн сэдвийн хүрээнд 14 хоногийн хугацаанд суралцаж, өнөөдөр “Цэргийн тангараг”-аа өргөж, төгсөлтийн гэрчилгээгээ гардан авлаа.

  Тус ажиллагаанд ОБЕГ-ын Захиргааны удирдлагын газрын дарга, хурандаа Л.Болдбаатар  оролцож,  сургалтад хамрагдсан алба хаагчдад гэрчилгээг нь гардуулан өгч, ажлын амжилт хүслээ гэж Онцгой байдлын ерөнхий газраас мэдээллээ.

 

 

 

 

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. Утас: 70140187

Сэтгэгдэл (0)