Төрийн банк тэтгэвэрийн картын харилцагчиддаа урамшуулалт аян зарлалаа

Монгол улсын өнцөг булан бүрт байрлах 500 гаруй салбар нэгжээрээ дамжуулан  2,9 сая харилцагчиддаа Банкны цогц үйлчилгээг үзүүлэн ажилладаг Төрийн банкнаас нийт тэтгэвэр авагч ахмад настнууддаа “Хотол төгс” хэмээх төмөр Хулгана жилийн Сар шинийн баярыг тохиолдуулан “Хүндэтгэлийн аян-2020” урамшуулалт аян зарлалаа.

Энэ удаагийн “Хүндэтгэлийн аян-2020” урамшуулалт аяны хүрээнд Төрийн банкны Улаанбаатар хот болон орон нутгийн бүх салбар нэгж бүрээс хамгийн өндөр настай нэг ахмадыг сонгон нийт 500 өндөр настанд хүндэтгэл үзүүлэх юм. Мөн Төрийн банкны тэтгэвэрийн картын харилцагчдаас 31 ахмадыг азтанаар тодруулан 500,000 төгрөгийн урамшуулал олгох юм.

Энэхүү аяны азтан болох шаардлага нь:

  • Төрийн банкны тэтгэвэрийн карттай харилцагч байх, тус картаараа нэгээс доошгүй удаа гүйлгээ хийсэн байх
  • Төрийн банканд шинээр тэтгэвэр авагч болж, тэтгэвэрийн карт захиалан тухайн картыг ашиглан нэгээс доошгүй удаа гүйлгээ хийсэн байх;

Тус аян 2020 оны 01 дүгээр сарын 21-ний өдрөөс 02 дугаар сарын 19-ний өдрийг дуустал хугацаанд тэтгэвэрийн карт ашиглан гүйлгээ хийсэн бүх харилцагчдад хамаарна. Харин азтануудаа 02 дугаар сарын 20-ны өдөр MN25 суваг телевизээр шууд тодруулах болно.

Дэлгэрэнгүй мэдээллийг Төрийн банкны www.statebank.mn цахим хуудас болон 1800-1881 дугаараас лавлана уу. 

 

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)