БНСУ-д коронавирусний халдвар маш богино хугацаанд тархаж, одоогийн байдлаар халдвар авсан хүний тоо 763 болж өслөө.

Мөн тус халдварын улмаас нас барсан хүний 7 болжээ. Өнгөрсөн шөнө гэхэд л 161 тохиолдол шинээр бүртгэгдсэн байна.

Үүнтэй холбогдуулан Ерөнхий сайд У.Хүрэлсүх БНСУ-тай үйлдэж буй нислэгт яаралтай арга хэмжээ авах чиглэлийг Улсын онцгой комисст өглөө. Иймд Улсын онцгой комисс өнөөдөр /2020.02.24/ цаг үеийн асуудлаар 14:00 цагт хуралдахаар товложээ.