И.Отгонбаяр ахлах дасгалжуулагчтай Монголын футзалын шигшээ баг Малайзын нийслэл Куала-Лумпурт болж буй Азийн АШТ-ий урьдчилсан шатны тэмцээнд оролцож байна.

И.Отгонбаяр ахлах дасгалжуулагчтай Монголын футзалын шигшээ баг Малайзын нийслэл Куала-Лумпурт болж буй Азийн АШТ-ий урьдчилсан шатны тэмцээнд оролцож байна. БНСУ, Хонконгтой нэг хэсэгт багтсан манай заалны хөлбөмбөгчид эхний тоглолтоо Өмнөд Солонгосын багтай хийж, 1:5-аар хожигджээ. Манай талаас цорын ганц гоолыг Б.Гарьдмагнай 37 дахь минутад оруулсан байна.
Гарааны бүрэлдэхүүнд түүнээс гадна Э.Ганзориг, Э.Цэрэнжав, Т.Ганбаатар, Б.Сэргэлэн багтжээ.
Манай шигшээ дараагийн учраа болох Хонконгтой Улаанбаатарын цагаар өнөөдөр 16.30-д тоглоно. Тэмцээний дүрэм ёсоор хэсгийнхээ эхний хоёр байрт шалгарсан баг бүсийн хагас шигшээд шалгарах юм.