Энэтхэгийн нэг настай нэгэн хүү төрөлхийн гарын 10хуруу, хөлийн10 хуруунаас гадна илүү 14 хуруутай мэндэлсэн бөгөөд дэлхийн хамгийн олон хуруутай хүнд тооцогдож, Гиннесийн номонд бичигдсэн байна.
Энэтхэгийн хойд хэсгийн нутаг Уттар Прадешээс гаралтай Акшат Саксина нэртэй тус жаал төрөлхийн олон хуруутай төрөлт буюу “полидактилизм” гэх эмгэгтэй төрсөн ажээ.
Хүүгийн ээж дөнгөж төрсөн үрээ анх хараад ихэд айж цочирдож, сэтгэлээр унаж байсан боловч эмч нар түүнийг Дэлхийн хамгийн олон хуруутай хүүд тооцогдож, Гиннесийн номонд бичигдсэн тухай сайхан мэдээг дуулгахад маш их баярласан гэнэ. Түүнээс өмнө Хятадад 31 хуруутай хүү мэндэлж, дэлхийн рекорд тогтоож байсан байна.