УИХ-ын гишүүн Су.Батболдтой ярилцлаа.

-Бүлэг байгуулах асуудлыг байнгын хорооны хоёр удаагийн хуралдаанаар хойшлуулсан. Эхнийх нь ирц хүрээгүй гэсэн шалтгаанаар, дараагийн удаа АН-ын бүлэг албан ёсоор завсарлага авсан. Үүнийг бид улстөрийн зорилгоор, албаар хойшлуулсан гэж үзэж байгаа.

Ер нь улстөрийн зорилгоор өөрсдийн санааг гүйцэлдүүлэхийн тулд МАН-ын бүлгийг байгуулахгүй байх хугацаанд тодорхой томилгоонуудыг хийх үүднээс л хойшлуулж байгаа хэрэг. Энэ маягаар тодорхой шалтгаангүйгээр бүлэг байгуулах асуудлыг хойшлуулаад байвал зохих арга хэмжээг авч АН-ынханд тодорхой шаардлага хүргүүлнэ.

-АН-д угаасаа тийм сонирхол байгаа. Ер нь УИХ-ын үйл ажиллагаа эхэлснээс хойш байнга л иймэрхүү хууль бус үйлдэл хийж байгаа шүү дээ. Бидэнд аль болох түргэн хугацаанд бүлгээ байгуулах асуудлыг шийдэмгий тавих шаардлага бий.

-Ойлгомжтой шүү дээ. Тайлбарлаад байх юмгүй. Тэд Ардын намын бүлгийн асуудлыг хойшлуулж, бүлэггүй байгаа үед нь тодорхой асуудлаа шийдвэрлэх тийм л сонирхолтой. Өнгөрсөн таван сарын хугацаанд сөрөг хүчингүйгээр парламент дахь ардчиллыг уландаа гишгэж, дураараа авирлах үйлдэл олон хийсэн. Ийм байдлаа л удаан хугацаанд үргэлжлүүлэх бодолтой байх шиг байна. Мэдээж бид байхгүй байх тусмаа л өөрсдийнхөө асуудлыг шийдээд явахад амар шүү дээ.

-Ерөнхийлөгч санаачлага гаргаад хуулийн төсөл өргөн барьсан нь сайн. Бид үүнд талархалтай хандаж байгаа. Энэ хуулийг хэлэлцэх зайлшгүй шаардлага бий. Гэтэл ингэж аар саар шалтгаан тоочиж байгаа нь улстөрийн л зорилготой гэж харж байна.

-Ер нь ард түмний сонголтыг засварладаг, шүүхээр засуулдаг байдлыг л болиулах хэрэгтэй. Сонгуулийн зохион байгуулалтыг, иргэдийн машинд итгэх итгэлийг сайжруулж тодорхой болгох хэрэгтэй. Сонгууль дууссаны дараа шүүх, цагдаагаар явдаг ийм байдлаас гарах ёстой. Үүний эрх зүйн орчныг боловсронгуй болгох нь чухал. Бид энэ талаар олон удаа ярьж байсан. Энэ байдлыг үнэхээр засч сайжруулах шаардлагатай юм байна гэж үзэж байгаа.

Нэгэнт сонгогдоод иргэдийн саналыг авсан төлөөлөгчдийг буцаадаг, болиулдаг байдлыг зогсоох хэрэгтэй. Энэ нь нэг талдаа хуулийг чангалсан юм шиг хэрнээ нөгөө талдаа сонголтыг нь хууль бусаар авах гэсэн ийм оролдлого явж байна гэсэн үг. Гэхдээ сонгуулийн үеэр янз бүрийн будилаан их гарсан. Олон тойрог дээр манай намын нэр дэвшигчийн эсрэг зүйл гарсан учраас үүн дээр адилхан хандаж байгаа.

-Хэлмэгдүүлэлт болж болно шүү дээ. Арай сүртэй л нэр томьёо юм даа. Гэхдээ ард түмний сонголтыг ямар нэгэн байдлаар шүүх, цагдаа өөрчилдөг байж болохгүй гэсэн байр суурьтай байгаа.

-Баян-Өлгий аймаг, Хан-Уул дүүрэгт гээд хэд хэдэн газар автомат машины дүн хяналтын тооллоготой зөрсөн асуудал гарсан. Ардын нам анхнаасаа автомат машины тооллоготой холбогдуулан дахин гараар тоолох асуудлыг байнга тавьж ирсэн.

Хүн ам олноор суурьшсан хэсгийн хороодод гомдол их гарсан учраас дахин гараар тоолох шаардлагатай гэж үзэж байгаа. Энэ асуудлыг зөвхөн МАН яриад байгаа юм биш. Сонгуульд оролцсон бүх нам санал тоолох автомат машины асуудлыг ярьж байгаа учраас үүнд анхаарлаа хандуулах хэрэгтэй.

-Бидний байр суурь хэвээрээ л байгаа. Хууль зөрчин, ард түмний сонголтыг уландаа гишгэж тангараг өргөнө гэж байхгүй. Тиймээс бид тангараг өргөх хуралдаанд оролцохгүй.

-Мэдээж бид шаардлагатай зүйл дээр чуулганд оролцох албагүй. Тэдний ирцийг бүрдүүлж хуулийг нь баталж өгч байх ёстой биш шүү дээ. Бид сөрөг хүчний хувьд болохгүй асуудал дээр бурууг хэлж арга хэмжээ авна. Харин зөв зүйтэй зүйлийг дэмжиж хэлэлцээд явна. Хэрэв хууль бусаар тэр хүмүүсийг тангараг өргүүлэх гээд байгаа бол бид хурлаа хаяна.

-Энэ бол МАХН-ын ээлжит шоу. Тэд засгаас гарч чадахгүй. Гараад ямар ч үр дүн байхгүй. МАХН-ын гишүүд засгаас гарлаа гэхэд АН олонхи болоод Засгийн газраа бүрдүүлээд явах бололцоотой учраас энэ бол утгагүй яриа.

-Яахав намын даргынхаа шүүх хуралтай холбоотой асуудлаар ингэж улстөрийн акц хийж байгаа байх.