Нутгийнхаа аваргыг улсын баяр наадамд түрүүлсэн жил хүүтэй болсондоо билэгшээсэн Ч.Пүрэвбаатар хүүдээ Өсөхбаяр хэмээн нэр өгчээ. П.Өсөхбаяр хүү өдгөө дөрвөн настай. Тэрбээр аав, ээжийнхээ хайрыг татаж, хүн бүхний хайрыг татсан алдрайхан насандаа тархины хүнд өвчин тусчээ. Түүний өвчнийг манай улсад эмчлэх боломжгүй гэсэн байна. Хүүгийн аав Ч.Пүрэвбаатар бүхий л бололцоогоо ашиглан чадах бүхнээ хийж яваатай таарсан юм. Эрүүл, энх гэр бүл, аз жаргалыг мөрөөдөж буй П.Өсөхбаяр хүүгийн аав Ч.Пүрэвбаатартай эрхэм уншигч Таныг уулзуулъя.

-Хамгийн анх 2010 оны хоёрдугаар сард миний хүү татаж унасан. Тэгээд "Сонгдо" эмнэлэгт нойрны цахилгаан бичлэг хийлгэж тархины зураг, өнгөт эход харуулж, нарийвчилсан эмраны шинжилгээ хийлгэсэн. Онош нь уйланхай төст хавдар байна гэж тогтоогдож түүнийг нь шимэгдүүлэх эмчилгээ хийлгэж эхэлсэн.

Тэр цагаас хойш өнөө хүртэл таталтын эсрэг бүх эм тариаг хэрэглээд дуусчихлаа. Ямар ч өөрчлөлт өгсөнгүй. Орчин цагийн анагаах ухааны тархины хаван хөөх, уйланхайг ширгээх, хатаах эмчилгээ бүгдийг хийлгэж арга тасраад ардын эмчилгээгээр ч их явсан.

- Япон, солонгосын эмнэлгүүдэд хүүгийнхээ тархины зургийг явуулж саяхан хариуг нь авснаар онош нь усан хавдар гэж бүрэн тогтоогдоод байгаа. Солонгос, японы эрүүл мэндийн салбаруудад манай улсын эмнэлгүүдийн авсан зураг гологддог юм байна билээ.

Тиймээс тухайн орондоо очиж нарийвчлалтай шинжилгээ хийлгэж чухам ямар хавдар вэ гэдгийг мэдэх хэрэгтэй гэсэн. Гэхдээ уйланхай, хорт хавдар, цусан нөжний хатангиршилт байсан ч ялгаагүй бүрэн эмчлэгдэх боломжтой гэсэн хариу ирсэн.

-УИХ-ын гишүүн Д.Тэрбишдагва, С.Эрдэнэчимэг, Ерөнхий сайд Н.Алтанхуяг нарт хандсан. Энэ хүмүүс хувийн зүгээс тусалж чадахгүйгээ мэдэгдээд миний хүсэлтийг Эрүүл мэндийн сайдад уламжилсан юм.

-Манай хүүгийн тархины эпильсийн хагалгаа нь гадаадад эмчлүүлдэг өвчний жагсаалтад байдаггүй. Харин тэтгэлэг үзүүлэх өвчинд ордог юм билээ. Монголд эмчилж чаддаггүй учир 2-5 сая төгрөгийн тэтгэлэг өгдөг юм билээ. Гэхдээ энэ оны болон ирэх оны эхний улирлын төсөв дуусчихсан гэсэн хариуг С.Удвал сайд өгсөн.

-Хамгийн найдвартай эмчилж байгаа газар нь нь Японы Сизуко хотын эдишен судлалын үндэсний хүрээлэн. Тэр хүрээлэнгийн эмч Ёо Ши Эну О манай оронд ирж тархины эмчилгээ хийх үед нь хүүгээ үзүүлсэн. Тэгээд эмчлэгдэх бүрэн баталгаатай гэсэн хариу сонссон.

Солонгос Улсын Хагог их сургууль, Сөүлийн их сургуулийн дэргэдэх хүүхдийн мэдрэлийн мэс заслын үндэсний хүрээлэн бас эмчилж чадна гэсэн. Японд эмчлүүлэхээр хагалгаа эмчилгээнийх нь зардал 80 гаруй сая, Солонгосынх 52 сая төгрөг болж байгаа.

Эмчилгээний өмнөх оношлогоо, шинжилгээгээр долоо хоногийн турш толгойд нь аппарат байлгаж байгаад бүх оношийг нь тодорхой мэддэг юм билээ. Дээрх хоёр орны эмнэлгийн тоног төхөөрөмж, эмч нарын чадвар адилхан гэж сонссон. Тиймээс Солонгос уруу л явмаар байна.

-Ийм өвчтэй хүүхэд маш их. Эмч нарын хийсэн судалгаагаар 100 хүүхэд тутмын 10 нь тархины өвчлөл, гажигтай байдаг юм билээ.

-Гуравдугаар эмнэлэг. Мөн "Од хийморь", "Альпо долгион" гээд хувийн эмнэлэг байгаа. Яг энэ өвчнөөр мэргэшиж Америкт сураад докторын зэрэг хамгаалсан н.Баярмаа гэж эмч бий. Баярмаа эмч манай хүүхдийг хоёр жил эмчилсэн. Өнгөрсөн хугацаанд ямар ч үр дүн гараагүй.

Харин Баярмаа эмчийн урилгаар Японоос ирсэн Ёо Ши Эну О гэдэг эмч үзээд хагалгаанд орох боломжтойг баталж хэлсэн. Баярмаа эмч ч өөрөө бусад оронд ийм хагалгаа хөгжөөгүй. Тиймээс Солонгос уруу яв гэсэн зөвлөгөө өгсөн.

-Миний хүүгийн таталт ихсээд байгаа. Өнгөрсөн жил хоногт тав татаж унадаг байсан бол одоо 10 болчихлоо. Бас таталтынх нь хугацаа уртасч 30 секунтээс минут орчим татдаг байсан бол одоо хоёр минут орчим гүн таталт өгдөг болсон.

-Одоохондоо оюун ухаанд нь арай нөлөөлөөгүй байгаа. Сэтгэн бодох, дуу шүлэг цээжлэх зэрэгт ой тогтоолт маш сайтай хүүхэд л дээ.

-Одоохондоо гуравдугаар эмнэлгийн мэдрэлийн мэс заслын эмнэлгийн ерөнхий эмч, "Альпо долгион"-ы эмч нарын хяналтад байгаа. Надад эхнэр хүүхэд, таван ханатай гэр л үлдсэн. Миний ах дүү нар дотор бизнес эрхэлж нэг их амжилт гаргасан хүн алга. Гэхдээ л би хүүгийнхээ эрүүл мэндийн төлөө чадах бүхнээ хийнэ. 

Би дотоодын цэргийн 05 дугаар ангид жолооч хийдэг. Тиймээс хамгийн түрүүнд ангийн захирагч Бат-Эрдэнэ хурандаа болон хамт олондоо хандсан. Ангийн захирагч маань шат шатандаа хандаж ангидаа уриалга гаргаж нэг өдрийн цалингаа хүүгийн минь эмчилгээнд хандивласан. Нийтдээ зургаан сая 300 орчим мянган төгрөг цугласан. Энэ бол их том тус. 

Одоо ч миний хамт олон намайг сэтгэл санаагаар дэмжиж байгаа. Мөн нутгийн гэдэг утгаар нь "Алдар" спорт хорооны дарга даян аварга Г.Өсөхбаярт хандсан одоогоор шийдтэй хариу ирээгүй. Хүүгээ эрүүл болгохын тулд Монголынхоо бүх ард түмэнд хандаж сарын аян зохиохоор төлөвлөж байгаа. Миний ард түмний буян, хүүгийн минь заяа түших байх гэж найдаж л сууна.