Монголын сагсан бөмбөгийн холбоо, “Хасын хүлгүүд” клубтэй хамтран багш дасгалжуулагч бэлтгэх ажлыг зохион байгуулахаар болжээ. Уг ажлын хүрээнд АНУ- ын сагсан бөмбөгийн мэргэжилтэн Лука Симонстой хамтран ажиллахаар болсон байна. АНУ-ын Хьюстон хотод зохион байгуулах сургалтад 13-аас дээш насны хүүхэд, залуус хамрагдах бөгөөд 10 хүн нэг групп болж явах ажээ.

Улмаар Хьюстоны их сургуультай танилцаж, тоглолт үзэх боломжтой гэнэ. Орон нутгийн 10 жилийн сургуулиар орж, боловсрол болон спортын талаар нээлттэй уулзалт хийн, сургуулийн сагсан бөмбөгийн бэлтгэлд оролцох юм. Үүнээс гадна NBA-гийн бүх оддын тоглолтын шинэ залуу тоглогчдын сорил тоглолтыг үзэх боломжтой аж.