Азийн аварга дугуйчин
- 2013-03-15
- Спорт
- 0
Монголын дугуйн эмэгтэй тамирчин
Т.Энхжаргал Энэтхэгт эхэлсэн Азийн аварга
шалгаруулах тэмцээнээс цуваа гараатай
28 км-ын уралдаанд 19 тамирчинтай
өрсөлдөж Монгол Улсын түүхэн дэх Азийн
дугуйн аваргын анхны алтан медалийг
хүртлээ. Уралдааны удаахь байранд Япон,
Хонконгийн тамирчин шалгарсан байна.
Т.Энхжаргал нь усан спортын дэд мастер,
триатлон болон дугуйн спортын мастер
цолтой. 2010 онд Сингапурт зохиогдсон
Залуучуудын анхдугаар олимпийн наадам
болон “Гуанжоу-2010” Азийн зуны
спортын XVI наадамд триатлоны төрлөөр
оролцсон. Тэрбээр дугуйны төрлөөр 2012
оны Монголын Бүх ард түмний спортын
XIII наадам, Улсын аварга шалгаруулах
тэмцээнд алт, хүрэл медаль хүртсэн билээ.
Сэтгэгдэл (0)