Францын L`Equipe хэвлэлийн мэдээлснээр Английн шигшээ болон "Манчестер Юнайтед"-ын довтлогч Уэйн Руни "ПСЖ"-д очихоор, яриа хэлэлцээр хийж эхэлжээ. 27 настай довтлогч энэ улирлын төгсгөлд "Улаан чөтгөрүүд"-ийн үндсэнд гарах нь эрс цөөрч, улмаар багаа орхих бодол тээх болсон юм. Руни Парисын багийн амжилтад хүрэхийг ихэд тэмүүлж буй байдлыг ойшоон үзэж, тийш очих хүсэлтэй байгаа тухай түүний ойрын гэх эх сурвалж хэвлэлд өгүүлсэн гэнэ.  "ПСЖ" энэ зун Италийн "Наполи"-гоос Эдинсон Каваниг авахаасаа илүүтэйгээр Руниг сонирхож магадгүй гэж тус хэвлэлд тэмдэглэжээ.