Шведийн шинжлэх ухааны хааны академийн гишүүн, нийгмийн ухааны их сургуулийн профессор Эмео Стефан Сваллфорс Норвегийн Нобелийн хороонд захидал бичиж Эдвард Сноуденд Нобелийн энхтайвны шагнал олгохыг хүсчээ. Энэ талаар ВВС радио станц мэдээлсэн байна. Илгээлтэд “Өөрт нь аюултайг мэдсээр байсан атлаа эр зориг гаргаж АНУ-аас явуулж байсан өдөөн хатгасан тагнах ажиллагааг илчилсэн” гээд “Сноудений эр зоригийн ачаар манай дэлхий улам сайн, улам аюулгүй боллоо” гэж профессор Сваллфорс тэмдэглэжээ. Харин Лондонгийн "Дейли Мейл” сонин “Сноуден 2013 оны Нобелийн шагнал авч чадахгүй, яагаад гэвэл хоёрдугаар сарын 1-нээр тасалбар болгож нэр дэвшүүлэхийг хаасан” гээд “ Харин 2014 оны шагналд нэр дэвшиж магадгүй юм” гэж бичсэн байна. Сонин бас “Хэрэв Сноуден энэ шагналыг авч чадвал энэ нэр хүндтэй шагнал хүртсэн хамгийн залуу хүн болох юм” гэжээ.