Өнгөрсөн долоо хоногт Айчи муж дахь Монгол Улсын Өргөмжит консулаар томилогдож байгаа Т.Андо сайд Л.Болдыг Японд айлчлах үеэр нь ёслолын арга хэмжээнд урьжээ. Уг арга хэмжээнд Айчи мужийн захирагч Х.Омура, мужийн бизнес, соёл, олон нийтийн төлөөлөл болсон 30 гаруй хүн оролцсон аж. Энэ үеэр сайд Л.Болд Монголын эрүү, нүүрний согогтой 300 гаруй иргэнд 17 жилийн турш мэс засал хийсэн эмч Х.Оцүка болон мэс заслыг санхүүжүүлэгч Ф.Кавагүчи нарт “Алтан гадас” одон гардуулсан байна.