Үрчлээс гэгч арьсны гажиг ихэвчлэн нас ахихад илэрдэг. Гэтэл зөвхөн хөгшрөлтөөс шалтгаалаагүй олон үрчлээ хүний нүүрэн дээр гарах магадлал өндөр байдаг аж.
Үрчлээ бүхэн учир шалтгаантай. Эдгээр үрчлээсийг мэргэжилтнүүд тайлан уншиж, юунаас үүдэлтэй юу илэрхийлдгийг судлах болсон. Энэ удаа Та бүхэнд хөгшин, залуу хүний нүүрэнд тодордог зарим Үрчлээний утгыг мэргэжилтнүүд хэрхэн тодорхойлсныг танилцуулъя.

1.Баяр баясгалан. Нүдний булан болон завьжны ойролцоо тодордог үрчлээс эзнийхээ баяр баясгалан, инээд хөөр ихтэйг илэрхийлдэг.

2. Ичимтгий зан. Амны эргэн тойронд нарны цацраг мэт хүрээлсэн үрчлээсүүд бүрэг, ичимхий занг илтгэнэ. Амьдралдаа ямар нэг алхам бие даан хийх чадваргүй, үргэлж хэн нэгний нөмөр нөөлөгт орох дуртай хүмүүсийн нүүрэнд ийм үрчлээс тодордог гэнэ.

3. Сониуч зантай, анхаарал өндөртэй байдал. өчүүхэн жижиг зүйлийг ч ихэсгэн харж, бүх зүйлээс хоцролгүй анхаарал тавьж явдаг хүмүүсийн нүдний эргэн тойронд "шувууны далавч" шиг үрчлээс тодордог.

4. үнэнч, итгэлтэй байдал. Ийм зантай хүмүүсийн хөмсөгний сүүл хавьд жижиг хөндлөн үрчлээсүүд бий болдог.

5. Оюунлаг үрчлээс. Хөмсөгний хооронд босоо гүнзгий үрчлээ тогтох нь эзнээ эрдэм номын хүн гэдгийг илтгэдэг аж. Мөн ичимхий хүмүүст ч ийм үрчлээ суух нь элбэг. Хэрвээ тухайн хүн нарийн духтай мөртлөө ийм үрчлээстэй бол элдэв асуудлыг шийдвэрлэхдээ муу, олон асуудалтай тулгардаг хүний шинж гэнэ.

6. Нямбай, эелдэг зангийн үрчлээс. Ийм зантай хүмүүсийн дух бараг бүхэлдээ үрчлээтэж харагддаг. Гэхдээ үрчлээсүүд нь урт хөндлөн бус жижиг тасархай бол эхэлсэн ажлаа дуусгадаггүй, хов живд дуртайн шинж.

7. Гомдомтгой зангийн үрчлээс. Хамрын нүхнээс эхлэн завьжны зэргэлдээх хүртэл үргэлжилсэн эл үрчлээс хамгийн нийтлэг тохиолддог нь. Хэрвээ ийм үрчлээсүүд дээр нүдний булангийн үрчлээс нэмэгдэх юм бол тухайн хүн алтан дундаж, хэрэв үрчлээсүүд уруулын доогуур үүссэн байвал ямар нэг архаг өвчтэйн шинж гэнэ.

8. Айдас, түгшүүрийн үрчлээс. Ийм байдал хүний нүүрийг бүхэлд нь үрчлээтүүлдэг бөгөөд хөмсөгний дээгүүр хоёр гүнзгий үрчлээс тодордог.

9. Догшин зангийн үрчлээс. Хөмсөгний дээгүүр өнцөгдсөн хоёр гүн үрчлээс ууртай зангийн илрэл.

10. Сандруу зангийн үрчлээс. Духан дээр өнцөгдсөн үрчлээс гарахаас гадна нүдний буланд далавч шиг жижиг үрчлээсүүд гардаг.

11. Гайхамтгай зангийн үрчлээс. Нүдэн дээгүүр хөндлөн үрчлээс гарах нь бүх зүйлийг гайхшран хүлээж авдаг хүний илрэл гэнэ.

12. Тоомсоргүй байдал. Хачирхалтай нь ийм зантай хүний арьс үрчлээтэх нь бага гэнэ. Ямар ч нөхцөлд нүүрний арьсны булчингуудаа бараг л хөдөлгөдөггүй тул үрчлээ бараг тогтдоггүй.