Үрийн зулай үнэрлэхэд тохиромжтой нас гэж бий

Үрийн зулай үнэрлэхэд тохиромжтой нас гэж бий. Гэвч тэр нас чиний бодож байгаагаас ч илүү хурдан өнгөрөөд явчихдаг гэдгийг санаарай. Эх болохыг хүсч байгаа бүсгүйчүүддээ байгалийн хуулийг хэрхэн ашиглах талаар зөвлөе.
 
20-25 нас:Нөхөн үржихүйн чадвар өндөр ч амьдрал тогтворжоогүй байна.
25-30 нас: Үр тогтоц сайн, хувь хүний хувьд төлөвшсөн байна: Хүүхэд хийх 10 жил эхэлнэ.
30 нас: 25-тайдаа 100,000 өндгөн эстэй байсан бол өдийд 50,000 болтлоо буурна.
35 нас: Шанстай 10 жил дуусах болоход чанар муутай өндгөн эсийн тоо өснө.
40 нас: Анх 2 сая байсан өндгөн эснээс 10,000 л үлдэнэ.
40-45 нас: Хүүхэдтэй болох боломжтой ч шанс нь тун бага.
 
Үр тогтох олон шинэ арга, боломж бий болж 40 гарсан одод ар араасаа хүүхэдтэй болсоор байгааг дуулсан 20-той насныхан хүүхэд гэдэг хойшлуулж болох асуудал гэж санах болжээ. Гэвч харамсалтай нь тэдний ихэнх нь буруу мэдээлэлтэй байдаг. Дэлхийн тэргүүлэх нөхөн үржихүйн эмч нар Бүсгүйчүүдийн хувьд холливудын одод 40 гарсныхаа дараа анхны хүүхдээ төрүүлж байгааг сонсоод өөрсдөө ч гэсэн тэгэх боломжтой гэж эндүүрдэг. Гэвч тэр жишээ татах дуртай одод нь удаан хугацаанд эмчилгээ хийлгэж, маш их мөнгө зарж байж үрийн зулай үнэрлэдэгийг ойлгодоггүй. Мэдээж одод энэ тухайгаа мэдээлэхийг хүсдэггүй нь ойлгомжтой. Тэгээд л бүсгүйчүүд төөрөгдөлд орчихдог. Хүнд биологийн цаг гэж байдгийг ухамсарлах хэрэгтэй гэж ярьж байна.
 
Энэ талаар эмэгтэйчүүдийн эмч чинь чамд анхааруулна гэж найдаж байна уу. Харамсалтай нь ихэнх эмч нар тэгдэггүй. Хүүхэдтэй болох эсэх нь хувь хүний шийдвэр учраас тэдэнд энэ талаар ярих шаардлага ч байхгүй. Өөрөө л энэ талаар асууж лавлахгүй бол эмч “Нас чинь ийм болж, хүүхэдтэй болох магадлал төчнөөн хувь байна гэж санаагаараа ярихгүй нь лавтай.
 
Тэгэхээр бүсгүй чиний зайлшгүй мэдэх ёстой мэдээллийг хүргэе. Чамд хүүхэдтэй болох боломжтой арван жил байна. Үр хүүхэд төрүүлэх тодорхой хугацааг байгаль чамд өгсөн. 25-35 нас бол үр тогтох хамгийн тохиромжтой үе. Гэхдээ чи 36 хүрчихсэн ч хүүхэд олоогүй бол шансгүй гэсэн үг биш. 25 хүрсэн бол яг одоо жирэмслэх хэрэгтэй ч гэсэн үг биш. Гэхдээ нөхөн үржихүйн хамгийн сүүлийн судалгаа, ололт, өөрийнхөө боломжийн талаар бодитой мэдээлэлтэй байх хэрэгтэй.
 
Цаг хугацааг зогсоож болохгүй
 
Дахин хэлэхэд 25-35 насанд хүүхэд олох магадлал хамгийн өндөр байдаг. Энэ үед хамгаалалтгүй бэлгийн харьцаанд орвол сарын эцсээр жирэмсний шинж тэмдэг илрэх магадлал 30 хувьтай. Харин 30-35 насны хооронд ингэх магадлал 20 хувь болтлоо буурдаг. Гэхдээ энэ үед жирэмслэх боломж муу байдаг гэж ойлгож болохгүй. 37-39 насанд сарын мөчлөгийн үеэр хүүхэд олох магадлал 15-хан хувь болдог. Үүнээс цаашлахаар эрчимтэй урууддаг. 40 насанд шанс огцом буурч тавхан хувь болно.
Хүүхэд олоход тааламжтай үе нь өндгөн эсийн тоо, чанараас шалтгаалдаг. Нас ахих тусам өндгөн эсийн тоо цөөрдөг аж. Эмэгтэй хүний өндгөн эс анх төрөхдөө  2 сая байдаг бол, 25 насандаа 100 000, 30-тайдаа 50 000, харин 40 нас гэхэд ердөө 10 000 болдог.
 
Хамгийн эрүүл өндгөн эсүүд нь эхэлж унадаг учраас залуу байх тусмаа сайн гэсэн үг. Ихэнх бүсгүйчүүдийн хувьд 25-35 насны хооронд хангалттай эрүүл өндгөн эстэй байдаг. Бас сар бүр овуляци явагдах боломжтой үе. Мөн энэ насныхан үр тогтоход саад учруулах нөхцөлд бага өртдөг. Өндгөвчний үрэвсэлд ороогүй, савны дотор хана гэмтээгүй, бэлгийн замын өвчнүүдийн нөлөөлөл бага байдаг. Хламид, загхүйтэн зэрэг өвчнүүдийг эмчлэлгүй олон жил болвол үрийн сувгийг гэмтээх аюултай. Гэмтсэн тохиолдолд эр бэлгийн эс хэчнээн хичээгээд нэвтэрч чадахгүй. 25-35 нас биологийн ийм онцлогтойгоос гадна хүүхэдтэй болоход сэтгэлзүйн хувьд илүү бэлтгэгдсэн үе гэж эмч нар зөвлөж байна. Өсвөр насанд өндгөн эсийн чанар илүү сайн байдаг ч амьдрал нь тогтворжоогүй байдаг. Амьдрал нь санаа зовох зүйлгүй, мөнгө санхүүгийн асуудалгүй байлаа ч хариуцлага хүлээхэд бэлэн биш нас. Хүн 25 нас гарч байж асуудлыг наанатай цаанатай шүүн тунгааж бодож эхэлдэг гэсэн судлаачдын баталгаа бий. Магадгүй 25 насныхаа төрсөн өдрийг тэмдэглэсний дараа хуримаа хийсэн хосуудын дунд салалт бага байдгийн гол учир нь энэ байх. Энэ насанд сэтгэлээ өгөх залуугийнхаа зүс царайг чухалчилахаас илүү надад хэр сайн хань байж чадах бол ирээдүйн хүүхдийн минь сайн аав мөн үү гэх зэрэг илүү бодитой шүүлтүүрээр шүүдэг. Ийм учраас энэ насанд сонгосон амьдрал илүү урт удаан, аз жаргалтай үргэлжилдэг.
Хүүхэд олох тохиромжтой арван жил руу ойртох тусам амьдрал илүү тогтворжиж эхэлдэг. Сургуулиа төгсчихсөн, үүр цайтал шоудах хүсэл нь багассан, гэр бүлээ тэжээх мөнгөө цааш нь хийх чадвартай болчихсон байдаг. Ажил мэргэжлийн хувьд ч багагүй туршлага хуримтлуулсан байх учир декретээ авсны дараа ажилдаа эргэн ороход асуудал үүсэх нь бага байна. Декрет олгоход нас чинь ч гэсэн нөлөөлнө. Хэдэн жил тогтвортой ажиллачихсан байвал, ажлын газар чинь ч дэмжинэ.
 
Хүлээвэл яагаад эрсдэлтэй гэж?
35 нас хүрч, амьдралаа хүний дайтай босгочихсон байхад үртэй болох боломж багасдаг нь уг нь бол шударга бус л даа. Мэдээж 30, 40 гарсан сая сая эмэгтэйчүүд хүүхэд төрүүлдэг. Анхны үрийн зулайгаа үнэрлэж байгаа эмэгтэйчүүдийн 20 хувь нь энэ насныхан. Гэхдээ тэд тийм амархан хүүхэд олчихдоггүй. Хүүхэд олох хугацаа нь уртасч, илүү хүндрэлтэй цаг хугацааг туулж байж хүслээ гүйцээдэг. Учир нь цөөн тооны өндгөн эс үлдсэн байдаг. Үр хөврөл тогтох шанс багатай гэсэн үг. Бас чанарын асуудал байна. Энэ насны эмэгтэйчүүдийн өндгөн эсүүд овуляци явагдах үед хариу үйлдэл үзүүлэхдээ муу, эрүүл чийрэг үр хөврөл тогтоход саад учруулах олон асуудал үүссэн байх магадлал өндөртэй. Мөн жирэмсний хүндрэл учруулах чихрийн шижин, даралт ихсэх зэрэг эрүүл мэндийн асуудал ч нуугдаж байдаг. Үргүй болгох аюултай фибройд хавдар, бэлгийн замын өвчний нөлөө удаан хугацаанд байсан байх магадлалтай. Жирэмсний үед хүндрэл гараагүй ч хүүхэд нь генетикийн асуудалтай байж болно. Сүүлийн үед дауны синдром элбэг тохиолдох болсон нь ч үүнтэй зарим талаараа холбоотой.
 
Мэдээж энэ насанд хүүхэдтэй болох нь заавал хүндрэлтэй байна гэсэн үг биш. Гэхдээ биологийн цаг чиний эсрэг явдаг. Өөрөөр хэлбэл байгалийн хууль чиний хүслийн эсрэг үйлчилж эхэлнэ. Тийм учраас хүүхэд олох шанс багасч, жирэмсний хүндрэл гарч,  эрүүл чийрэг хүүхэд төрүүлэх магадлал буурдаг нь жам ёсны үзэгдэл гэж ойлгож болно. 35 наснаас өмнө хүүхэд гаргахаар төлөвлөж байгаа бол эрүүл чийрэг хүүхэд өлгийдөж авах шанс ихтэй гэж хэлэх гээд байна л даа.
Хүүхэд төрүүлэхээ хойш нь тавиад л байвал үрийн зулай үнэрлэх боломжоо бүрмөсөн алдах боломжтой.
 
Дараах шалтгаанууд чухал биш гэдгийг сана:
 
Дараах шалтгаануудыг уншаад өөрийгөө бэлэн, эсвэл бэлэн биш гэдэгтээ бүрэн итгэлтэй байгаа бол шийдвэрээ эргэж хараарай.
Шалтгаан: Шинэхэн ээжүүд хүүхдийнхээ талаар зогсоо зайгүй ярих нь ядаргаатай санагддаг.
Бодит байдал:Хүүхдийнхээ талаар чих дүнгэнэтэл ярихыг нь сонсох тамтай санагдаж болно л доо. Гэвч энэ нь хүүхэд төрүүлээд хэр их баярлахад чинь огт нөлөөлөхгүй.
Шалтгаан: Машинд эсвэл онгоцонд хүүхэд уйлахад дотор чинь арзайдаг.
Бодит байдал: Үүнд эгдүүцэх нь муу ээж болно гэсэн үг биш!
Шалтгаан: Юун хүүхэд гаргах, ямар ч завгүй байхад..
Бодит байдал: Эцэг, эх болсон хүмүүс амьдралаа аваад л явдаг. Болоод л байдаг, эргэн тойрноо хар л даа.
Шалтгаан: Нялх хүүхэд ярьж чадах-гүй учраас уйлахаар нь юу хүсээд байгааг нь ойлгохгүй сандрах байх.
Бодит байдал: Бүх эмэгтэйчүүд анхандаа үүнийг мэддэггүй. Өдөр өнгөрөх тусам сурч, ойлгож, мэдэрдэг.
Шалтгаан: Хүүхэдтэй хосууд атаархмаар дотно харагддаг
Бодит байдал: Асуудалтай хос хүүхэдтэй боллоо ч харилцаагаа дотно болгож чадахгүй нь бий. Ихэнх тохиолдолд  салах нь элбэг байдаг.
Шалтгаан: Чи амьтанд маш хайртай.
Бодит байдал: Амьтан арчлах нь хүүхэд халамжлахаас хамаагүй хялбар байдаг. Үүнтэй харьцуулж болно гэж үү.
Шалтгаан: Хүүхэдтэй найзууд чинь хурдан хүүхэдтэй бол гэж чамайг яаруулдаг
Бодит байдал: Чамайг сайн ээж болоход бэлэн гэдгийг тэд мэдэхгүй. Зүгээр л өөрсдөө ээж болсон учраас хань татаж байж  болох юм.
 
Үргүйдлийн эмчилгээ үнэхээр үр дүнтэй юу?
Үр дүнтэй байж болно. Гэхдээ хувийн эмнэлгүүдийн хэлдэг шиг тийм хурдан биш. Энэ талаар тодорхой мэдээлэл авахыг хүсч байвал дараах бодит байдлуудыг мэдэж авахад илүүдэхгүй.
 
Нас ахих тусам үр дүн нь багасна
Хамгийн түгээмэл арга нь үр суулгах. Энэ нь эмэгтэйн биед биш харин хуруу шилэнд эр эсийг өндгөн эстэй учруулахыг хэлж байгаа юм. Тэгээд түүнийгээ эмэгтэйн саванд суулгадаг арга. Нас явах тусам эмчилгээний үр дүн нь багасдаг. 35-аас доош насныхан нэг мөчлөгийн туршид 50 хувийн шанстай байдаг бол 38 нас хүрэхэд тэр нь 35 хувь болж буурдаг. Цаашлаад 40 нас гэхэд 20-25 хувь, 43 насанд 8-хан хувийн боломжтой үлддэг.
 
Гаж нөлөөтэй
Хиймлээр үр суулгахаас өөр олон арга бий. Овуляцийг дэмждэг эм хэрэглэх, саван дотор үр суулгах /эр эсийг өндгөн эстэй шууд нийлүүлдэг/, мөн донорын өндгөн эсийг ашиглах /залуухан эмэгтэйн эрүүл өндгөн эсийг авах/ зэрэг арга бий. Гэхдээ 35-45 насны хооронд дээрх аргуудын үйлчлэл янз бүр байдгийг санах хэрэгтэй. Сав хөөрөх, сэтгэл санааны байнгын өөрчлөлт өгөх, айдас мэдрүүлэх зэрэг сөрөг нөлөө үзүүлэх талтай байдгийг мартаж болохгүй.
 
Өртөг өндөртэй
Үр тогтоох эмчилгээнүүд биенд чинь хүндрэл  учруулааад зогсохгүй, түрийвчийг чинь багагүй нимгэлдэг. Олон улсын даатгалын системд эдгээр эмчилгээний заримыг оруулсан байдаг ч оролдлогын тоог хязгаарлаж тогтоосон байдаг. Нэг удаагийн үр суулгах ажилбар гэхэд л 12,000-16,000 ам.долларын үнэтэй. Анагаах ухаанд хэчнээн их ололт амжилт гарсан ч бүгдэд нь хязгаар бий гэдгийг санаж, амьдралаа өөрийнхөөрөө төлөвлөөрэй. Тэгэхээр үнэ цэнэтэй зүйлээ, амьдралаа тэр чигт нь шинжлэх ухаанд даатгаад хэрэггүй гэдгийг хэлүүлэх юу байхав
  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (14)

  • (61.109.115.95)

    2022-10-01

    mundag bnaa argaa huvaaltsaach ta.

  • Ariunjargal (43.228.130.231)

    2021-07-29

    Bi nohortgoon 6 Jil a dark bn hvvhtei boldgvi

  • (192.82.71.216)

    2020-11-05

    Bayr hvrgie mundag bna

  • Zochin (103.229.123.56)

    2017-02-08

    Dor setgegdel bichsen xumus doromjlod ged bxin,40 desh unexer xetsu,ene medeelel unexer unen zuv medeelel ugsun bnshu

  • Zochin (103.229.123.56)

    2017-02-08

    Dor setgegdel bichsen xumus doromjlod ged bxin,40 desh unexer xetsu,ene medeelel unexer unen zuv medeelel ugsun bnshu

  • Zochin (103.26.193.118)

    2016-12-04

    Emch nar yagad ene buxnig tailbarlaj ugduggui yum be,ix muxai emch nar bxin,nadad mash xaramsaltai bna,40 garsan yaj turuxu medexgui bna,mash ix aij bna

  • a (112.72.11.111)

    2016-05-02

    Undgun esnii test bgaa shv sheesend dvreed 1z jiremslehgvi 2z jiremslene 96754918

  • dinder (202.21.106.105)

    2014-07-03

    za ***** aa. bi 45 tai anhnii huuhdee turuullsen, odoo 50tai, jiremsen, nas ahisan humuusiig ***** doromjil.

    2014-07-03

    mundag bnaa argaa huvaaltsaach ta.

    2014-07-03

    Bayr hvrgie mundag bna

  • zochin (202.55.180.200)

    2014-06-30

    Zuv l medeelel bna

  • ulzii (182.160.35.232)

    2014-06-29

    mash boditoi unen buguud chuhal medeelel bn.bi 42 nastaitai anhnii huuhdee emchilgeend yavj baih arai hiij olj teej turuulsen.tuunees hoish gants ohindoo duu gargaj uguh gej mash ih bur 3 jil tasraltgui emchilgee hiilgesen.polekul buyu undgun esnii hemjee hangalttai tom baigaa ch dotor ni baigaa undgun es ni hugshirsun buyu chanar muutai uchraas ahiad ogt jiremsleegui. odoo ch sariin temdegiin 13 dahi honog deer exo-d haruulahad 2 undguvchind jiremsleh hemjeenii polekul hangalttai uussen baidag.haramsaltai yagaad ch ur togtooj chadahgui bn lee minii hugshirsun undgun es.hedii tiim ch 46nasand mine burhan ur hairlah ch yum bil uu..goridlogo baisaar l baigaa,yaagad gevel nadad undgun es bolovsorch baigaa uchraas..gants hundreltei yum ni minii nas...deerh medeelel uneheer botitoi mergejliin mash sain emch bichsen bn.

  • (128.227.174.203)

    2014-06-29

    unen zuil bichsen baina sh dee. emegtei hun amidraliinhaa turshid 2 say orchim ongdon es bolovsruuldag, nas ahih tusam ondgon esiin too buurdag, ene hereer huuhed oloh bolomj n baga boldog gej baina. iimhen medee unshaad oilgoj chadahgui shuumjilj doromjilson humuus baih yum.

  • Unshigch (126.205.81.137)

    2014-06-29

    Teged 40 orchim nasnii humuus huuhed gargaj bolohgui gesen ug yumuu, huniig yun setgeleer unagaachihsiin, manai egch 40- tei 2 dahi huuhdee gargahiig mash ih husch bga, uuniig unshval husel zorig ni mohoh yum bn, bitgii olj unshaasai bilee, neeh hudlaa gadaadiin odod ch geh shig mongo ch geh shig, jiriin mongol eejuud 40 garchihaad eruul saruul huuhed toruulsen tohioldol och tochnoon l bdag bizde, 10 myangan ondgon es hangalttai bolomj yum bishuu , erdoo 10 myanga bish, bur 10 myanga, myanga ch bish, 10 myanga bga yum bn, ene bol hangalttai too, egch mini hoorhon huuhedtei boloh husel ni bieleesei

  • zochin (103.26.193.14)

    2014-06-28

    heregtei medeelel bn shu.

  • kkkkkkkkk (80.42.116.130)

    2014-06-28

    ene iig hen bichsen yum ner usaa tavidaggyu yum u? heniig doromjilood bgaa yum unshigchidaa u? 2t yum bichihgdee sain sudalj bichij bai, yasan bolovsorolgyu yum, bichsen zyliinhee neriig uguhduu sain bodoj ugch bai, bas sain hel sur, denduu bolovsorolgyu zambaraagyu bichsen bna, bas uguulbertee taslal avch uur utgaaa gargaj bai, ih surguuld yu survdag bnaa neeree