Хирошимагийн бөмбөгдөлтийн багийн сүүлийн гишүүн нас баржээ
- 2014-07-31
- Дэлхий
- 1
Дэлхийн II дайны
үеэр Японы
Хирошима хотыг
бөмбөгдсөн АНУ-ын
онгоцны багийн гишүүдийн
сүүлчийнх нь нас баржээ.
“Голланд эр” хочит Теодор
ван Кирк өнгөрөгч 28-ны
өдөр 93 насандаа Жиоржиа
мужид амьсгал хураажээ.
Теодор ван Кирк Хирошимаг
бөмбөгдсөн “Энола Гей”
хөлгийн ахмад байсан бөгөөд
1945 онд 24 настай байхдаа
Хирошимад атомын бөмбөг
хаях АНУ-ын агаарын хүчний
онгоцыг жолоодож явжээ.
Хирошимад атомын бөмбөг
унасны улмаас 66 мянган
хүн газар дээрээ амь насаа
алдсан агаад Теодор ван
Кирк энэ үйлдэлдээ “Огтхон
ч харамсдаггүй. Харин ч
Дэлхийн II дайныг дуусгах
чухал хувь нэмэр оруулсан”
хэмээн хэлжээ. Дэлхийн II
дайны үеэр Герман ЗХУ-тай,
Япон АНУ-тай дайтаж, АНУ
Японы Хирошима, Нагасаки
хотод атомын бөмбөг
хаясны дараа Токиогийн
цэргийн эрхтнүүд бууж
өгснөө зарласан юм. Харин
хүн төрөлхтний түүхэн дэх
хамгийн том алдаануудын
нэг болох Хирошимагийн
бөмбөгдөлтийн багийн ахлагч
Теодор ван Киркийн хүү Том
ван Кирк эцгээ хүндэтгэж,
насан эцэслэтэл нь идэвхтэй
харж асарсан байна. Тэр
“Ассошейтэд Пресс” агентлагт
“Миний эцэг дайны баатар
байсан. Гэхдээ бид түүнийг
зөвхөн агуу эцгээр нь л
мэднэ” гэж хэлжээ. Тэгвэл
Теодор ван Кирк 2005 онд
өгсөн ярилцлагадаа “Цөмийн
бөмбөг дайныг ямар ч утга
учиргүй болгодог. Гэхдээ
цөмийн бөмбөг ямар ч
асуудлыг шийдэж чадна
гэдгийг өөрийнх нь жишээ
хүн төрөлхтөнд нотлон
харуулсан хэмээгээд дэлхий
дээрх бүх цөмийн зэвсэг
устсан байхыг харахыг
хүсч буйгаа илэрхийлжээ”.
Теодор ван Кирк Хирошимаг
бөмбөгдсөн багийн зэвсгийн
туслах мэргэжилтэн
Моррис Жеппсоныг 2010
оны дөрөвдүгээр сард 87
насандаа амьсгал хураасны
дараа энэ багийн хамгийн
сүүлчийн хүн болоод байсан
юм. Теодор ван Кирк мөн
Хирошимаг бөмбөгдсөн
багийн гишүүдээс хамгийн
өндөр насалсан нь бөгөөд
түүний туслах нисгэгч,
“Энола Гей” нэртэй “Б-
29” бөмбөгдөгч онгоцны
командлагч Пол Тиббетс
2007 оны арваннэгдүгээр
сард 92 насандаа нас барж
байсан юм. “Энола Гей” 1945
оны наймдугаар сарын 6-ны
өглөөний 08:15 минутад
Хирошима хотод 580 метрийн
өндрөөс 20 мянган тротил
тэсрэх бодистой тэнцүү
хүчтэй “Бяцхан хүү” хэмээх
атомын бөмбөг хаясны
улмаас 66 мянган хүн газар
дээрээ амь үрэгдэж, 69
мянган хүн шархдсан. Гэхдээ
хотын гуравны хоёрыг үнсэн
таврага болгосон бөмбөгийн
цацраг идэвхт бодисын
улмаас дараа нь олон зуун
мянган хүн амь насаа алдсан
юм. “Бяцхан хүү” атомын
бөмбөг хүн төрөлхтний эсрэг
шууд ашигласан анхны
атомын зэвсэг хийгээд анхны
атомын эрчим хүч болсон
юм. Харин үүнээс гурван
өдрийн дараа буюу 1945
оны наймдугаар сарын 9-нд
Японы Нагасаки хотод АНУ-
ын агаарын хүчний “Бокскар”
хэмээх “Б-29” бөмбөгдөгч
онгоц “Тарган эр” хэмээх
атомын бөмбөг хаясны
улмаас шууд болон дараах
хор уршгийн улмаас 80
мянган хүн амиа алдсан юм.
Ямартай ч, Хирошимагийн
сүүлийн “гэмтэн” Теодор ван
Кирк байгалийнхаа жамаар
насан эцэслэж, энэ хэргийг
бага ч болов мартах боломж
өгөв.
Э.Төгсжаргал
Сэтгэгдэл (1)
Gremix (66.181.177.246)
Hehe hohino