Хүүхдийг горшоконд суулгаж бие засуулах гэж хүчээр оролдох нь муу үр дагавартай. Хүчлэх тусам хүүхдэд эвгүй мэдрэмж, айдас түгшүүр төрж байдгийг эрдэмтэд судалж тогтоосон байдаг. Хүүхэд өөрөө аяндаа горшоконд бие засдаг болох хүртэл нь хүлээх нь зүйтэй. Хүүхэд 1-3 насны хооронд горшок хэрэглэж сурдаг. Судалгаанаас үзэхэд эмэгтэй хүүхэд эрэгтэй хүүхдээс арай эрт горшоконд бие засаж сурдаг байна.

Хүүхэд хэлд орохдоо эцэг эхийнхээ хэн нэгнийхээ нэрийг хэлж хэлд ордог. Гэхдээ эхэлж “аав” эсвэл “ээж” гэдэг үгийг хэлж хэлд орж буй нь тухайн хүүхдээс огт шалтгаалдаггүй гэнэ. Судлаачдын үзэж буйгаар элэг бүтэн гэр бүлд төрсөн хүүхэд гол төлөв “ааваа” гэж хэлд ордог гэнэ. Харин эмэгтэйчүүд голдуу амьдардаг гэр бүлд төрж өссөн хүүхэд “ээж” эсвэл “эмээ” гэж хэлд ордог байна.