Чөлөөт бөхийн Дэлхийн аварга шалгаруулах тэмцээнээс алтан медаль хүртэж 19-хөн насандаа “Дэлхийн аварга” гэсэн цолын эзэн болоод байгаа С.Цэрэнчимэдийн амжилтыг үнэлсэн олон олон бэлэгүүд араасаа дагалдаж байна.  С.Цэрэнчимэдэд Засгийн газрын тогтоол дагуу Дэлхийн аваргад 30 сая төгрөг олгогдоно. Мөн Монголын чөлөөт бөхийн холбооноос Дэлхийн аваргадаа гурван өрөө байр өгөхөөр ярилцаж байгаа ажээ. Мөн зарим компани, албан байгууллагууд мөнгөн шагналаар шагнаж урамшуулахаар төлөвлөөд буй юм байна.