Чихэр нэхдэг хүүхдийнхээ шүдийг яаж хайрлах вэ?
- 2018-08-20
- Эрүүл мэнд
- 0
Хэрэв таны хүүхэд сургууль, цэцэрлэгт явах бүртээ алгаа тосч амттай зүйл нэхдэг бол амтат чихрийг нь өөр зүйлээр солиод үзээрэй. Ингэхдээ шүдэнд хамгийн сайн гэх самар, жимс санал болгоод үз. Байгалийн гаралтай жимс ногоонд агуулагдаж буй натурал сахар нь бидний өдөр тутам хэрэглэж буй элсэн чихрээс хор уршиг багатай. Тэгээд ч биеийн эрүүл мэндэд тустай.
Гэхдээ зөгийн бал, бурам, жимсний шүүс, түүхий сахар зэрэг натурал сахар нь шүдний хорхойтолтыг дэмжиж байдгийг анхаарах хэрэгтэй гэж “Дельфин-Эйч” эмнэлгийн Нүүр, амны их эмч Д.Мөнхжаргал зөвлөж байна.
Мөн тэрээр “Бидний хэрэглэж буй ихэнх хоол хүнс нь булчин, ясыг бэхжүүлэхэд тусалдаг бөгөөд эдгээр нь шүдийг эрүүл болгодог. Жимс, хүнсний ногоо нь С аминдэм их агуулдаг учир бусад амин дэмээс илүү буйлыг эрүүл болоход тусална. Харин сүү, сүүн бүтээгдэхүүн нь витамин D, кальциар баялаг тул шүд, ясыг бэхжүүлдэг. Талх, хүүхдийн тэжээлийн хоол нь В амин дэмээр хангаж, төмөр агуулж, цусны эргэлтийг сайжруулснаар буйлыг эрүүл байлгаж, шүдэнд хорхойтолт үүсэхээс урьдчилан сэргийлдэг” гэсэн юм. Тиймээс та өглөө бүр чихэрлэг зүйл нэхдэг хүүхдэдээ эдгээр хоол хүнсийг өгөхийг хичээгээрэй. Хэрэв таны хүүхдийн шүд цоорсон, идээлж үрэвссэн бол эмчийн зөвлөгөөгөөр яаралтай эмчлэх нь чухал. Сүүн шүдний цоорол нь байнгын шүдний цоорлоос хоёр дахин хурдан явагддаг гэдгийг мартаж болохгүй гэсэн юм.
Б.Саруул
Сэтгэгдэл (3)
(183.81.169.22)
Shudee yanzluulj chaddaggui. Ih unetei bn. 1 shudiig 50s 80.000r yanzlahiin. Unendee munguguidee yanzluulj chadshgui bn.
(183.81.169.22)
Mongoliin emch nar yagaad aytaihan zuvluguu ugch boldgui yum. Yarvaisan ug unagachih vi gsn shig duugardgui yimnuud. Ungu mungu harj uilchilne. Hen ta nariug iim mergejil ezemsh gsiin. Gadaadad tehed yanziin goe. Negburchlen tailbarlaj davhar setgelzuin emchilgee ugdug gsn
(103.229.122.113)
Emchid ochood uzuulj chadah bish dee. Dugaar duussan gedeg. MUngutei emchilgee ni chanar muutai , tavisan lomgo ni jil hurehgui unachihdag. Haa ch hunii tuluu setgel baihgui, buhniig munguur uneleh bolson ene tsagt uvchluhgui baih ni l deediin bayan bolj baina. Emch nar arai l denduu setgelgui bolson baigaa shuu. Ene ni hen hegeh saidaas hamaarah zuil bish, huvi hunii l uhamsaryn asuudal biz dee.