ЭМСЯ-ны дэргэдэх Хүний эмийн зөвлөлийн хурал боллоо

Эрүүл мэнд , спортын яамны дэргэдэх Хүний эмийн зөвлөлийн хурал 2015 оны 01-р сарын 27-ны өдөр боллоо. Тус хурлаар АНУ-ын Gilead Sciences компани нь элэгний С вирусийг эмчлэх Sovaldi(софосбувир) 400мг шахмал эмийг Канад улсын PatheonInc үйлдвэрт гэрээгээр үйлдвэрлүүлэн Монгол улсад “Access” буюу “Хүртээмж” хөтөлбөрийн хүрээнд импортоор оруулж ирэх зорилгоор улсын бүртгэлд бүртгүүлэх асуудлыг хэлэлцүүлэв.

 

Хурлын шийдвэрээр Sovaldi(софосбувир) 400мг шахмал эмийн бүртгэлийн материал нь Эрүүл мэнд спортын сайдын 2015 оны 13 дугаар тушаал “Эм, эмийн түүхий эд, биологийн идэвхт бүтээгдэхүүний бүртгэлийн журам”-ын шаардлагыг хангаж байгаа тул түргэвчилсэн хэлбэрээр бүртгэжээ. Тодруулбал дээрхи журмын Олон улсад хүлээн зөвшөөрөгдсөн Эмийн хяналтын хатуу зохицуулалттай эрх бүхий байгууллага АНУ-ын FDA-аас олгосон гэрчилгээ, хүний эмийн бүртгэлд тавигдах техникийн шаардлагыг хангасан, тухайн орныхоо хэрэглээнд нэвтэрсэн, бүртгэлийн журмын дагуу ирүүлсэн баримт бичиг нь шаардлага хангасан байна.

 

Софосбувир эмийг дангаар нь ууж хэрэглэхгүй, харин интерферон тариа, рибаварин эмтэй хавсарч хэрэглэх нь эмчилгээний үр дүнтэй ажээ.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)