Барак Обама АНУ-ын Элчин сайдын яамыг Кубад ирэх сард нээх төлөвлөгөөтэй байгаа аж. Б.Обама Вашингтонд хийсэн мэдэгдэлдээ“Бид ирэх сарын 10-11-нд Панамд болох Америкийн улс орнуудын уулзалтаас өмнө Кубад Элчин сайдын яамаа нээх боломжтой гэж бодож байна. Манай хоёр орны харилцаа хэвийн үргэлжлэхийн тулд зохион байгуулах ажил их байна” гэжээ.Вашингтон, Гаванагийн төлөөлөгчид өнгөрсөн оны арванхоёрдугаар сарын 17-нд уулзсан ба энэ үеэс хоёр улсын харилцаанд “дулаарлын үе” эхэллээ гэж ажиглагчид үзэж байна. Мөн 50 жилийн өмнө Кубын эсрэг тавьсан хориг үр дүнд хүрээгүй болохыг Цагаан ордон хүлээн зөвшөөрсөн юм.