Хамгийн өндөр настан төрсөн өдрөө тэмдэглэжээ

Дэлхийн хамгийн өндөр настан Японы иргэн Мисао Окава 117 насныхаа төрсөн өдрийг тэмдэглэжээ. Осака хотын Хигасисумиесику дүүрэг дэх өндөр настны асрамжийн газарт амьдардаг Мисао Окава төрсөн өдрөө гэр бүлийнхээ хүрээнд тэмдэглэх үеэр дүүргийн захирагч ирж, баяр хүргэн цэцэг гардуулсан байна. Захирагч түүнээс 117 нас хүрсэн амьдралаа хэрхэн үнэлж буйг асуужээ. Хариуд нь настан түүнд маш богино байсан гэдгийг хэлсэн аж. Харин төрсөн өдрөөрөө юу мэдэрч байгааг нь асуухад “Би аз жаргалтай байна” гэжээ. Сүүлийн үед өндөр настны хараа, сонсгол муудсан ч биеийн байдал сайн, ухаан саруул хэвээр аж. Япон улсад дундаж наслалт 83.1 бөгөөд олон тооны өндөр настан амьдардаг. Тухайлбал, өнгөрсөн онд тус улсад 100 нас хүрсэн хүний тоо 58820-д хүрсэн байна.

  • Манай сайт таалагдсан бол лайк дараарай

АНХААРУУЛГА: Уншигчдын бичсэн сэтгэгдэлд unen.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. 

Сэтгэгдэл (0)