Орос, Ираны Гадаад хэргийн сайд нар Ираны цөмийн хөтөлбөрийн талаарх хэлцэлцээрт томоохон ахиц гарсныг мэдэгджээ. Харин АНУ-ын тал бүх асуудлыг тохирч чадаагүй, хэлэлцээрийг хойшлуулсан гэдгийг хэлж Оросын талын мэдэгдлийг үгүйсгэсэн байна. Оросын сайд С.Лавров “Бид сайд нарын төвшинд зарчмын бүх гол асуудлаар тохиролцоонд хүрсэн” гэсэн юм. Талууд энэ хэлэлцээрийг гуравдугаар сард дуусгаж, тохиролцоонд хүрэхээр зорьсон боловч нэлээд олон бэрхшээлтэй тулгарсан аж.